जनकपुरमा आयोजित २ नम्बर प्रदेश स्तरीय सुरक्षा गोष्ठीमा भाग लिन पुगेका गृहमन्त्री रामबहादुर थापा बादल काठमाडौं फर्किएका छन् ।
काठमाडौंबाट जनकपुर जाने क्रममा बाक्लो कुहिरोको कारण गृहमन्त्री थापा चढेको हेलिकोप्टर रामेछापको मन्थली विमानस्थलमा आकास्मिक अवतरण गराइएको थियो ।
नेपाली सेनाको एमआई ०५६ हेलिकोप्टर मन्थली विमानस्थलमा अवतरण गरिएको जिल्ला प्रहरी कार्यालय रामेछापका प्रमुख सन्तोष भट्टराईले बताए ।उनले मौसम नखुलेपछि गृहमन्त्री थापा काठमाडौं फर्किएको जानकारी दिए ।
हेलिकोप्टरमा गृहमन्त्री थापासँग गृह सचिव प्रेमकुमार राई पनि थिए ।
.jpg)
