भारत सरकारले बामपन्थी उग्रवाद लोकतन्त्रिक मुल्य मान्यता विरोधी भएको भन्दै यस विरूद्ध लड्न कडा रवैया अपनाउने बताएको छ।
नक्सल प्रभावित राज्यको मुख्यमन्त्रीसँग सोमबार पहिलो पल्ट बैठक गरेका केन्द्रीय गृह मन्त्री अमित शाहले नक्सलवादविरूद्धको लडाईमा सफलता प्राप्त गर्न उनीहरूको पैसा आउने श्रोतलाई रोक्ने बताएका छन्।
बैठकमा नक्सल प्रभावित क्षेत्रमा भइरहेको विकाश निर्माणको कार्य र सुरक्षा निकायको अपरेशनको विषयमा समीक्षा गरिएको थियो।
याे पनि पढ्नुहाेस।
जम्मु–कश्मिरमा आतंकवादी ‘फन्डिङ’ लाई रोक्न सफल भएपछि शाहले नक्सलवादविरूद्ध पनि यस्तै अभियान थाल्ने बताएका छन्।
उनले नक्सलवादीहरूको खाने पिउने, बसोबास गर्ने, घुम्ने, हतियार किन्ने ठाउँ र ट्रेनिङ क्याम्पमा रोक लगाउन विशेष योजना तयार पार्न लागिएको बताए।
उनले २०१५ देखि नै नक्सली प्रभावलाई कम गर्न योजना बनाइएको र यसका कारण हाल ६० जिल्लामा मात्र बामपन्थी उग्रवाद सिमित भएको बताएका छन्।
याे पनि पढ्नुहाेस।