अफगानिस्तानको काबुलमा शनिबार एउटा वैवाहिक कार्यक्रममा आत्मघाती बम बिस्फोट हुँदा ६३ जनाले ज्यान गुमाएका छन्। घटनामा १ सय ८२ घाइते भएको अफगानी पत्रकार बिलाल सरवरीले जानकारी दिए।
विवाह हजारा समुदायबीच भइरहेको थियो। दारुलमान एरियामा बसोबास गर्ने अल्पसंख्यक शिया जातिबीच शनिबार नेपाली समयअनुसार मध्यरात ११ बजेर ५५ मिनेटमा विवाह भइरहेको बेला बिस्फोट भएको थियो।
प्रत्यक्षदर्शीले बताएअनुसार विवाह हलमा जन्तको भीड थियो। घाइतेलाई अस्पताल भर्ना गरिएको छ। अझैंसम्म कुनै आतंकवादी संगठनले घटनाको जिम्मेवारी लिएको छैन।
याे पनि।
काबुलमा यसै महिना दोस्रो आक्रमण भएको हो। यसअघि ८ अगस्टमा भएको बम बिस्फोटमा १४ जना मर्नुका साथै १ सय ४५ जना घाइते भएका थिए।
अफगानिस्तानमा २८ सेप्टेम्बरदेखि निर्वाचन हुँदैछ। अमेरिका र तालिबानबीच पछिल्लो समय शान्तीका लागि वार्ताको प्रयास भइरहेको छ। यस्तो अवस्थामा चरणबद्ध बम बिस्फोटको घटनाले माहौल बिथोल्ने सम्भावना उत्तिकै छ।
अमेरिका र तालिबानबीच ८ चरणको वार्ता भइसकेको छ।
याे पनि हेर्नुहाेस।
.jpg)
