गैरकानुनी रूपमा भारतीय भूमिमा प्रवेश गर्ने प्रयास गरेको आरोपमा बिहीबार पक्राउ भएका माल्दिभ्सका पूर्व–उपराष्ट्रपति अहमद् अदीब अब्दुल गफुरलाई भारतले उहाँ आएकै मार्गको बाटो माल्दिभ्स फिर्ता गरेको भारतीय स्रोतले शनिबार जानकारी गराएको छ ।
उनकाे भारत प्रवेश गर्नका लागि आवश्यक कागजात नभएको भनी भारतको तामिलनाडुस्थित बन्दरगाह शहर टुटिकोरिनबाट सुरक्षा नियन्त्रणमा लिइएको थियो ।
माल्दिभ्सका पूर्व राष्ट्रपति अदीबले भारतमा शरण लिन चाहेको तर भारतले उनलाई भारतीय भूमिमा शरण दिन नसक्ने बताएपछि टुटिकोरिन नाकाबाटै फिर्ता पठाइएको उल्लेख भारतीय सञ्चारमाध्यमले गरेका छन् ।
माल्दिभ्सको एक अदालतले तत्कालीन राष्ट्रपति अब्दुलाह यमीनलाई सन् २०१५ मा हत्या गर्ने प्रयास गरेको भनी अदीबविरूद्ध परेको मुद्दामा सफाइ दिएपछि गत मे महिनामा माल्दिभ्सको जेलबाट रिहा भएका थिए। माल्दिभ्सका पूर्वउपराष्ट्रपति अदीबलाई सत्तामा रहेका समय पदीयमर्यादा विपरीत आर्थिक अनियमितता गरेको आरोपमा थप छानविनका लागि उपस्थित हुन आदेश गरेको थियो ।
माल्दिभ्सको सुरक्षा निकायको उच्च स्रोतले उनीमाथि यमीनको कार्यकालमा उपराष्ट्रपतिका रूपमा कार्यरत रहेका समय राज्यकोषको दुरूपयोग गरेको आरोपमा परेको मुद्दामा अनुसन्धान गर्नुपर्ने भएकाले प्रक्रियागत रूपमा फिर्ता ल्याउने पहल गरिएको जनाएको एक दुईदिन भित्रमा नै उनलाई फिर्ता पठाउने काम भएको छ ।
माल्दिभ्स प्रहरीका अनुसार अदीबले बुधबार आफूमाथि परेको मुद्दाबारे आफ्ना भनाइ राख्नुपर्ने तालिका रहेको थियो तर उनी सम्बन्धित निकायमा उपस्थित नभएर भारत पुग्ने क्रममा सीमानाबाटै नियन्त्रणमा लिइएको थियो ।
.jpg)
