बोरिस जोन्सन बेलायतको नयाँ प्रधानमन्त्री चुनिएका छन्। बेलायतलाई युरोपियन युनियनबाट अलग गर्न नसकेपछि नैतिकताको आधारमा ७ जुनमा राजीनामा गरेकी थेरेसा मेको स्थानमा बोरिस नयाँ प्रधानमन्त्री चुनिएका हुन्।
कन्जरभेटिभ पार्टीका दुई प्रतिद्धन्दी बोरिस र जेरेमी हन्टबीच भएको भिड्न्तमा ९२ हजार १ सय ५३ मत ल्याउँदै बोरिस विजयी भएका हुन्।
हन्टले ४६ हजार ६ सय ५६ मत प्राप्त गरेका थिए। बोरिस लन्डनका पूर्व मेयर हुन भने उनले विदेश मन्त्रालयको कार्यभार पनि सम्हालिसकेका छन्।