BreakNLinks

बुधबार, ०६ मे २०२६

राजनीति

रवि लामिछाने ३४ दिन गृहमन्त्री बन्दा सबै ‘तस्करी नियन्त्रण’मा लिएको रास्वपाको दाबी

राष्ट्रिय स्वतन्त्र पार्टी (रास्वपा)का सांसद मनिष झाले सभापति रवि लामिछानेले ३४ दिनमात्रै गृह मन्त्रालय सम्हाल्दा सबै तस्करहरू नियन्त्रणमा लिएको दाबी गरेका छन्। सोमबार प्रतिनिधिसभाको बैठकमा बोल्दै उनले अहिलेका गृहमन्त्रीले कुनै  काम गर्न नसकेको बताएका हुन्। उनले भने, ‘भर्खरै क्यापिटल नेपाल नामक एउटा मिडियामा समाचार आएको छ र त्यसमा लेखिएको छ- जब गृहमन्त्री रवि लामिछाने आए तब सीमाबाट हुने चोरी तस्करी नियन्त्रणमा ठूलो सफलता मिलेको बताउँछन्। तर त्यसपछिका गृहमन्त्रीहरू तस्करी नियन्त्रणमा कुनै काम नगरेको बताउँछन्। यो हो हामीले गर्ने स्टन्ट। राष्ट्रिय स्वतन्त्र पार्टीले ३४ दिनमा गरेको गृहमन्त्रालय सम्हाल्दै गर्दा कसरी तस्करी नियन्त्रण गरेका थियौं भन्ने कुरा स्टन्ट हो?’

बिएल संवाददाता

बिएल संवाददाता - काठमाडौं

संघीय संसद्का दुवै सदनको बैठक बस्दैः यस्तो छ कार्यसूची

संघीय संसद्का दुवै सदनको बैठक आज बस्दैछ। प्रतिनिधिसभाको बैठक बिहान ११ः०० बजे बस्दैछ भने राष्ट्रियसभाको बैठक अपराह्न १ः१५ मा बस्दैछ।

बिएल संवाददाता

बिएल संवाददाता - काठमाडौँ

नेताहरूलाई गाली गरेर मात्रै देश सुध्रिदैनँः मुख्यमन्त्री पाण्डे

गण्डकी प्रदेशका मुख्यमन्त्री सुरेन्द्र पाण्डेले व्यक्ति र राजनीतिलाई गाली गरेर मात्रै देश सुधार्न नसकिने बताएका छन्। आइतबार गण्डकी आयुर्वेद अस्पतालमा विशेष सेवाको उद्घाटन गर्दै मुख्यमन्त्री पाण्डेले व्यक्ति र राजनीतिलाई गाली गरेर मात्रै देश सुधार्न नसकिने भन्दै सक्षम र सकारात्मक काम गर्न सक्ने मान्छे राजनीतिमा आउनुपर्ने बताए। उनले भने, ‘जनताले आफ्नो जनप्रतिनिधि आफैंले छान्ने हो। र त्यो बाट राज्य सञ्चालन गर्ने हो। म अहिले यहाँको मुख्यमन्त्री छु। मैलेभन्दा राम्रो गर्न सक्ने, इच्छा राख्ने हिम्मत हुनेहरूले मलाई विस्थापित गरेर आउनु हुन्छ मेरो ठाउँमा। यहाँ व्यक्ति र राजनीतिलाई गाली गरेर केवल व्यक्तिगत कुरा मात्रै गरेर केही कुरा सुधार्न सकिँदैन। सक्षम र गर्नसक्ने मान्छे राजनीतिमा आउनुपर्छ। नभएका कामहरू गरेर देखाउनुपर्ने अहिलेको आवश्यकता हो। तब मात्रै नेपाल बन्न सक्छ।’

बिएल संवाददाता

बिएल संवाददाता - पोखरा

उपसभामुखलाई हटाउँदै ओली-देउवा!

सत्ता गठबन्धनका प्रमुख घटक एमाले-कांग्रेसले उपसभामुखलाई हटाउने तयारी गरेको चर्चा भइरहेका बेला लामो संसदीय राजनीतिक अनुभव भएका स्वतन्त्र सांसद अमरेशकुमार सिंहले पनि यो कुरा पुष्टि हुने अभिव्यक्ति दिएका छन्। आइतबार प्रतिनिधि सभा बैठकमा बोल्दै सांसद सिंहले कांग्रेस-एमाले मिलेर उपसभामुख इन्दिरा रानामगरलाई पदबाट हटाउन लागेएको दाबी गरेका छन्। उनले उपसभामुखलाई जेठ महिनाभित्रै हटाउने तयारी भइरहेको दाबी गरे। रास्वपाबाट उपसभामुख बनेकी रानामगरलाई हटाएर कांग्रेसबाट उपसभामुख बनाउने तयारी भइरहेको उनको दाबी छ। स्रोतका अनुसार प्रधानमन्त्री केपी शर्मा ओली उपसभामुखलाई छिट्टै हटाउनुपर्ने अडानमा छन् भने कांग्रेस सभापति शेरबहादुर देउवा पर्ख र हेरको अवस्थामा छन्। त्यसैले ओलीलाई उपसभामुखलाई पदमुक्त गर्ने प्रक्रिया थाल्न सकेका छैनन्।

बिएल संवाददाता

बिएल संवाददाता - काठमाडौं

एजेण्डाको नजिक पुगिसक्यौं, अब बिग्रियो भने हामीबाटै बिग्रिन्छः राजेन्द्र लिङदेन

राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले शान्तिपूर्ण आन्दोलनमार्फत नै एजेण्डा स्थापित गरेर छाड्ने बताएका छन्। राजसंस्था पुनर्स्थापनाका लागि संयुक्त जनआन्दोलन समिति उपत्यकास्तरीय जनजागरण तयारी बैठकमा बोल्दै उनले आफूहरू एजेण्डाको नजिक पुगेकाले कोहि पनि उत्ताउलो हुन नपर्ने बताएका हुन्। उनले भने, ‘सबैले आफ्नो जिम्मेवारी कर्तव्य इमानदारितापूर्वक निर्वाह गर्नुपर्छ। शान्तिपुर्ण आन्दोलनले एजेण्डा स्थापित गरेरै छाड्छौं। हामी एजेण्डाको नजिक पुगेका छौं। तर यसको लागि कोही पनि उत्ताउलो हुनुहुँदैन। बिग्रियो भने हामीबाटै बिग्रिने हो। हामी सबै जिम्मेवार हुनुपर्छ। इमानदार हुनुपर्छ।’ साथै उनले जेठ १५ गते हुने राजसंस्था पुनर्स्थापनाका लागि संयुक्त जनआन्दोलनमा सबैको सहभागिता गराउनुपर्ने बताए। उनले आन्दोलन सम्पूर्ण नेपालीको साझा आन्दोलन हो भन्ने ढंगले आफूलाई अगाडि ल्याउनुपर्ने बताए। यसैगरी उनले आम जनतालाई १५ गते सडकमा ल्याउन सबैले मेहनत गर्नुपर्ने बताए। उनले अहिले थुप्रै पार्टीका शक्तिहरू मिलेकोले आफूहरू पनि मिलेर अगाडि बढ्नुपर्ने बताए।

बिएल संवाददाता

बिएल संवाददाता - काठमाडौं

माछा नै नभएको ठाउँमा ‘माछापोखरी’ देखाएर भ्रष्टाचार, पूर्वमन्त्रीसहित ८ विरुद्ध मुद्दा

अख्तियार दुरुपयोग अनुसन्धान आयोगले माछा नै नभएको ठाउँमा माछापोखरी देखाएर भ्रष्टाचार गरेको आरोपमा तत्कालीन मधेश प्रदेश आर्थिक मामिला तथा योजनामन्त्री विजय कुमारसहित ८ जनाविरुद्ध मुद्दा दायर गरेको छ। सर्लाहीस्थित सागरनाथ वन विकास परियोजनाको वन क्षेत्र अतिक्रमण गरी गैरकानुनी रूपमा माछापोखरी निर्माण गरिएको अभियोगमा आठ जनाविरुद्ध विशेष अदालतमा भ्रष्टाचार मुद्दा दायर गरेको हो। आयोगले ५६ करोड ७१ लाख रुपैयाँभन्दा बढीको बिगो दाबी गर्दै संलग्नहरूलाई कैद, जरिवाना र विगो असुलको माग गर्दै मुद्दा पेस गरेको हो। अख्तियारका अनुसार बागमती नगरपालिका वडा नं. ४ र १२ मा सागरनाथ वन विकास परियोजनाको मुर्तिया वन क्षेत्र अतिक्रमण गरी ढुंगा, गिट्टी, बालुवा तथा माटो जथाभावी उत्खनन गरिएको र त्यसपछि माछापोखरी निर्माणका नाममा संघीय तथा प्रदेश सरकारको करोडौं रकम खर्च गरिएको उल्लेख गरिएको छ।

बिएल संवाददाता

बिएल संवाददाता - काठमाडौं

रसुवाबाट सातवटा सुनका विस्कुट बरामद, जोख्ने काम हुँदै

रसुवामा ठूलो परिमाणमा सुन बरामद भएको छ। आइतबार दिउँसो साढे १ बजेतिर केरूङबाट काठमाडौं आउँदै गरेको  बा४ख ६२०१ नम्बरको गाडीमा लुकाएर ल्याइएको सुनसहित चालकलाई रसुवा प्रहरीले पक्राउ गरेको हो। ७ वटा सुनका बिस्कुटसहित एकजना पक्राउ परेका र बरामद गरिएको सुन भन्सार कार्यालय पठाइएको प्रमुख जिल्ला अधिकारी अर्जुन पौडेलले बताए। सुनको तौल पत्ता लागिसकेको छैन। यतिबेला सुन जोख्ने काम भइरहेको उनले बताए। प्रारम्भिक अनुसन्धानकै क्रममा रहेकाले चालकको परिचय खुलाइएको छैन।

बिएल संवाददाता

बिएल संवाददाता - काठमाडौं

तीनकुनेमा मारिएका पत्रकार रजककी श्रीमतीले मानवअधिकार आयोगमा दिइन् निवेदन

काठमाडौंको तीनकुनेमा गत चैत्र १५ गते राजावादीको आन्दोलनमा ज्यान गुमाएका पत्रकार सुरेश रजकको परिवारले मानव अधिकार आयोगमा निवेदन दिएका छन्। आइतबार सुरेशकी  श्रीमति सुजनी मगिया लगायतले उनको रहस्यमय र शंकास्पद अवस्थामा निधन भएको भन्दै घट्नाको सत्यतथ्य छानबिनको लागि आयोगमा पुगेर निवेदन दिएका हुन्। ‘आइतबार चैत्र १५ गते राजावादीको आन्दोलनको प्रत्यक्ष प्रसारण गर्ने क्रममा मेरो श्रीमानको रहस्यमय र शंकासपद अवस्थामा निधन भएको थियो। उक्त घटना योजनाबद्ध, षड्यन्त्र गर्दै वा कुनै अपराधिक कार्य भएको आशंका रहेको छ। र राज्यबाट उचित छानबिन नभएको कारणले म मानव अधिकार आयोग समक्ष सत्यतथ्य छानबिनको लागि यो निवेदन पेश गर्दछु। र शिघ्र न्यायको माग गर्दछु।’ निवेदनमा भनिएको छ।

बिएल संवाददाता

बिएल संवाददाता - काठमाडौं

२५ बुँदे ‘सगरमाथा कार्य आह्वान’ जारी गर्दै सकियो सगरमाथा संवाद

शुक्रबारदेखि सुरु भएको ‘सगरमाथा संवाद’ आज सम्पन्न भएको छ। नेपाल सरकारले पहिलो पटक आयोजना गरेको ‘जलवायु परिवर्तन, पर्वत र मानवताको भविष्य’ भन्ने मुख्य विषयमा आधारित सगरमाथा संवाद २५ बुँदे ‘सगरमाथा कार्य आह्वान’ जारी गर्दै समापन भएको हो। दिगो जलवायु कार्यलाई बढावा दिन निजी क्षेत्रको वित्त र कार्बन बजारहरूको भूमिकालाई जोड दिने, जलवायुमैत्री प्रविधिमा पहुँच सहज बनाउन र क्षमता अभिवृद्धि गर्न विश्वव्यापी र क्षेत्रीय साझेदारीलाई सुदृढ गर्ने संवादको निष्कर्ष रहेको छ। आफ्नो देश विशेष अनुकूलन आवश्यकताहरू पूरा गर्न राष्ट्रिय अनुकूलन योजनाहरू विकास र कार्यान्वयन गर्न थप प्रोत्साहित गरिने, विकासशील र विशेष परिस्थितिमा रहेका देशमा जलवायु कार्य कार्यान्वयनका लागि अन्तर्राष्ट्रिय वित्तीय सहायताको वृद्धि र परिचालन गर्न आह्वान गरिने पनि उल्लेख छ।

बिएल संवाददाता

बिएल संवाददाता - काठमाडौं

एक घण्टाभित्र काठमाडौंको पानीपोखरी क्षेत्रमा सबैभन्दा धेरै वर्षा, १२ घण्टामा धेरै स्याङ्जामा

आइतबार दिउँसोदेखि काठमाडौं उपत्यकासहित देशका विभिन्न जिल्लाहरूमा पानी परिरहेको छ। जल तथा मौसम विज्ञान विभागका अनुसार अहिले कोशी, मधेश, बागमती, गण्डकी र लुम्बिनी प्रदेशका प्रदेशका जिल्लाहरूमा पानी परिरहेको हो। काठमाडौं उपत्यकासहित सर्लाही, उदयपुर, ओखलढुङ्गा, सिन्धुपाल्चोक, गुल्मीलगायतका जिल्लामा पानी परिरहेको र चट्याङ परेकाले सतर्कता अपनाउन विभाग अन्तर्गतको मौसम पूर्वानुमान महाशाखाले अनुरोध गरेको छ। एक घण्टाको अवधिमा सबैभन्दा धेरै वर्षा काठमाडौंको पानीपोखरी क्षेत्रमा रेकर्ड भएको छ। पानीपोखरीमा ३५.४ मिलिमिटर वर्षा भएको छ।

बिएल संवाददाता

बिएल संवाददाता - काठमाडौं

गौतमबुद्ध विमानस्थलको अनियमितता छानबिन उपसमिति संयोजकमा मञ्जु खाण

प्रतिनिधि सभाअन्तर्गतको सार्वजनिक लेखा समितिले गठन गरेको गौतमबुद्ध अन्तर्राष्ट्रिय विमानस्थलको निर्माणका क्रममा भएको अनियमितता, त्रुटि र भ्रष्टाचार छानबिन गर्न गठित छानबिन उपसमिति संयोजकमा कांग्रेस सांसद मञ्जु खाण तोकिएकी छन्। आइतबार बसेको बैठकले खाणलाई उपसमिति संयोजक चयन गर्ने निर्णय लिएको समितिका सचिव तथा संसद् सचिवालयका प्रवक्ता एकराम गिरीले बताए। यसअघि उक्त उपसमिति संयोजकमा एमाले सांसद योगेश भट्टराई थिए। विमानस्थल निर्माणमा भएको अनियमितता माथि छानबिन नै नगरी प्रतिवेदन तयार पारेको भन्दै आलोचना भएपछि भट्टराई जिम्मेवारीबाट हटेका थिए।

बिएल संवाददाता

बिएल संवाददाता - काठमाडौं

हितेन्द्रलाई रिमालको सान्त्वनाः बत्तीमुनी बसेर पोस्ट गर्दै ‘बिजुली गयो’ भन्ने भाष्य बनाइदैछ

प्रधानमन्त्रीका प्रमुख राजनीतिक सल्लाहकार विष्णु रिमालले नेपाल विद्युत प्राधिकरणको निर्देशक हितेन्द्र शाक्यलाई सान्त्वना दिँदै उनी काबिल र इमान्दार कर्मचारी भएको बताएका छन्।  पछिल्लो समय हितेन्द्र पाधिकरणको नेतृत्वमा आएसँगै विद्युत जाने समस्या बढेपछि उनीविरुद्ध सामाजिक सञ्जालमा आलोचना सुरु भएको छ। आलोचना बढेपछि हितेन्द्रले पनि पत्रकार सम्मेलन गर्दै खण्डन गरिरहेका छन्। यस्तैमा प्रधानमन्त्रीका राजनीतिक सल्लाहकारले पनि शाक्यलाई सान्त्वना दिएका हुन्। आइतबार सामाजिक सञ्जालमा लेख्दै रिमालले बलेको बत्तीमुनी बसेर पोस्ट गर्दै बिजुली गयो भन्ने भाष्य बनाइन थालेको भन्दै हितेन्द्रलाई सजग रहन भनेका हुन्।

बिएल संवाददाता

बिएल संवाददाता - काठमाडौं

कांग्रेस प्रवक्ता भन्छन्ः मदन भण्डारीको बहुदलीय जनवाद सान्दर्भिक छ

पूर्वअर्थमन्त्री तथा नेपाली कांग्रेसका प्रवक्ता प्रकाशशरण महतले जननेता मदन भण्डारीले ल्याएको बहुदलीय जनवाद अहिलेको समय सान्दर्भिक भएको बताएका छन्। शनिबार जननेता मदन भण्डारी र जीवराज आश्रितको स्मृतिमा आयोजित परिसंवाद कार्यक्रममा बोल्दै उनले बहुदलीय जनवादले पार्टी पङ्त्तिमा सहकार्य निर्माण गर्न सकेको भन्दै यस्तो धारणा व्यक्त गरेका हुन्। ‘जननेता मदन भण्डारीले बहुदलीय जनवाद भनेर अगाडि सार्नुभयो, त्यो समय सान्दर्भिक, बदलिदो विश्व परिस्थितीमा खुल्ला प्रतिस्पर्धी राजनीतिक गरेर सत्तामा जान सकिन्छ र लक्ष्य प्राप्त गर्न सकिन्छ भन्ने मान्यता नेपालमा प्रवेश गराउनु भयो। त्यसले मलाई लाग्छ पार्टी पङित्तमा सहकार्य र एकअर्कालाई बुझ्ने परिस्थिती निर्माण भएको मलाई लाग्छ,’ उनले भने।

बिएल संवाददाता

बिएल संवाददाता - काठमाडौं

प्रधानमन्त्री ओलीसँग कोप-२९ का अध्यक्षको शिष्टाचार भेट

प्रधानमन्त्री केपी शर्मा ओलीसँग कोप-२९ का अध्यक्ष तथा अजरबैजानका राष्ट्रपतिका जलवायु मामिला प्रतिनिधि मुख्तर बाबायेभले शिष्टाचार भेटवार्ता गरेका छन्। शनिबार प्रधानमन्त्री निवास, बालुवाटारमा भएको भेटमा प्रधानमन्त्री ओलीले विश्वव्यापी साझा मुद्धा बनेको जलवायु परिवर्तनका सवालमा आपसी सहकार्यका माध्यमबाट चुनौतीको सामना गर्नुपर्नेमा जोड दिँदै यसका लागि अजरवैजानले गर्दै आएको अगुवाइप्रति धन्यवाद दिए। उनले हिमालदेखि समुद्रसम्मको अवधारणमा ठुला मुलुकलाई पनि ध्यानाकर्षित गराउँदै असंलग्न राष्ट्रहरूले साझा प्रयास चाल्नुपर्ने बताए। सगरमाथा संवादका लागि नेपाल आएका विशेष प्रतिनिधि बाबायेभले नेपालले हिमालको रक्षा र वातावरणीय सुरक्षाका लागि गरेको सगरमाथा संवादका लागि बधाई दिँदै यसका सन्देशहरू विश्व समुदायसमक्ष पुर्‍याउने बताए।

बिएल संवाददाता

बिएल संवाददाता - काठमाडौं

मदन भण्डारी अस्पताल उर्लाबारीमा मापसे काण्ड: दुई कर्मचारी निलम्बित

मोरङको उर्लाबारी मंगलबारेस्थित मदन भण्डारी अस्पताल तथा ट्रमा सेन्टरमा कार्यरत दुईजना कर्मचारी ड्युटी समयमा मादक पदार्थ सेवन गरेको अवस्थामा फेला परेपछि तत्काल निलम्बन गरिएको छ। गत बिहीबार राति ड्युटीमा उपस्थित हुनुपर्ने ती कर्मचारीहरू अस्पताल परिसर बाहिर मादक पदार्थ सेवन गरिरहेको अवस्थामा स्थानीय युवाहरूले फेला पारेका थिए। उनीहरूले दुवैलाई नियन्त्रणमा लिएर अस्पताल प्रशासनको जिम्मा लगाएका थिए। नियन्त्रणमा परेकामध्ये एकजना कार्यालय सहयोगी र अर्का पारामेडिक्स रहेको स्रोतले जनाएको छ। मेडिकल सुपरिटेन्डेन्ट डा. रवि शाहका अनुसार दुवै जनालाई तत्काल विभागीय कारबाहीस्वरूप निलम्बन गरिएको हो। ‘घटनाको थप अनुसन्धान भइरहेको छ, व्यवस्थापन समितिको बैठकपछि आवश्यक निर्णय लिइनेछ,’ शाहले भने।

बिएल संवाददाता

बिएल संवाददाता - उर्लाबारी

‘वाटर पार्क’मा विद्यार्थी र प्रहरीबीच झडप, पाँच प्रहरी घाइते

शनिबार कृष्णा फाउन्डेसनले कक्षा १२ दिएका विद्यार्थीहरूका लागि भनेर मात्र एकसय रुपैयाँ शुल्क लाग्ने गरी कार्यक्रम आयोजना गरेको थियो। वाटरपार्कको क्षमता भन्दा बढी विद्यार्थीको उपस्थित भएपछि पार्क व्यस्थापन र विद्यार्थीहरू बीच तनाव उत्पन्न भएको थियो। सो क्रममा झडपसँगै तोडफोड हुँदा लाखौंको क्षति भएको वाटरपार्कका व्यवस्थापक अभिषेक गोइन्काले बताए। कृष्णा फाउन्डेसनसँग सातसयदेखि नौं सयजना विद्यार्थी मात्र आउने भनि सहमति भएकोमा दुई हजार भन्दा बढी विद्यार्थी प्रवेश गर्न खोजेपछि झडप हुन पुगेको उनले बताए।

बिएल संवाददाता

बिएल संवाददाता - काठमाडौं

१०० युवा डाक्टर र इन्जिनियरलाई एमालेमा भित्र्याउँदै ओलीले भनेः अब एमालेले बहुमत ल्याउनुपर्छ

प्रधानमन्त्री केपी शर्मा ओलीले सुशासन र विकासको बाटोमा मुलुकलाई तीव्र गतिमा अघि बढाउन एमालेको बहुमतको सरकार चाहिने बताएका छन्। राष्ट्रिय युवा सङ्घ नेपालको केन्द्रीय शिक्षा विभागद्वारा आज एमाले पार्टी कार्यालय, च्यासलमा आयोजित कार्यक्रमा बोल्दै उनले देशलाई बिगार्न नदिन र बिना व्यवधान सुशासनलाई तीव्र गतिले अगाडि बढाउन एमालेलाई बहुमतको सरकारका चाहिने बताएका हुन्। ‘मुलुकका लागि एमालेको नेतृत्व आवश्यक रहेको बुझ्न हामीले ढिलो गर्यौं। अब त्यो भ्रममा रहनु हुँदैन। साना साना स्वार्थ लिएकाहरूले हामी विरुद्ध भ्रम फिँजाएका छन्। त्यस्तो भ्रममा पर्नु हुँदैन। एमालेलाई आगामी निर्वाचनमा बहुमत दिन युवाहरूले साथ दिनुपर्छ,’ ओलीले भने, ‘म युवाहरूलाई एमालेमा आउनुस् एकै पटक एमालेको अध्यक्ष बनिहाल्नोस् भनेर उल्काउन चाहान्नँ। आउनुस्, काम र अनुभव हासिल गर्दै नेतृत्वमा पुग्न सकिन्छ। मेसी, एम्बापे पनि एकै दिन बनेका होइनन्। रहर लागेर तुरुन्तै डाक्टर, इञ्जिनियर हुँदैनन्। मेहनत र समय आवश्यक हुन्छ। यो वास्तविकता तपाईँहरूले बुझ्नुपर्छ।’

बिएल संवाददाता

बिएल संवाददाता - काठमाडौं

डोटी पुगेर ‘पश्चिम सेती जलविद्युत’ र ‘मध्यपहाडी लोकमार्ग’ माओवादीले सुरु गरेको प्रचण्डको दाबी

नेकपा (माओवादी केन्द्र)का अध्यक्ष पुष्पकमल दाहाल प्रचण्डले पश्चिम सेती जलविद्युत परियोजनालाई अगाडि बढाउने काम आफ्नो पार्टीले गरेको बताएका छन्। ‘जनतासँग माओवादी-मध्यपहाडी लोकमार्ग जनजागरण अभियान’ का क्रममा डोटीको दीपायलमा आयोजित भव्य जनसभामा बोल्दै उनले पश्चिम सेती जलविद्युत परियोजनालाई अगाडि बढाउने काम आफ्नो नेतृत्वमा भएको भन्दै त्यसप्रति आफू गम्भीर रहेको बताएका हुन्। ‘यो क्षेत्रको आर्थिक विकासका निम्ति ठुलो परियोजनाको रुपमा रहेको पश्चिम सेती जलविद्युत परियोजना झण्डै साढे सात सय मेगावटको परियोजना हाम्रै पार्टीका उर्जामन्त्री पोष्टबहादुर बोगटी हुनुभएको बेलामा भएको हो। सेती परियोजनालाई अगाडि बढाउन चिनियाँ कम्पनीसँग पनि उहाँले सम्झौता गर्नुभएको थियो। तर त्यो पछि रद्ध गरियो। पश्चिम सेती जलविद्युत परियोजना अगाडि बढाउन हाम्रो पार्टी गम्भीर छ। त्यसलाई कुनै न कुनैरुपले सम्पन्न गर्नुपर्छ भन्नेमा हामी प्रष्ट छौ,’ उनले भने। त्यस्तै प्रचण्डले आफू पहिलो पटक प्रधानमन्त्री हुँदा लोकमार्गको प्रस्ताव अघि सारेको बताए।

बिएल संवाददाता

बिएल संवाददाता - डोटी

गठबन्धनप्रति खुशी छैनन् देउवा, भनेः ठूलो पार्टी भएपनि मिलेर सरकार बनाउनुपर्ने बाध्यता छ

कांग्रेस सभापति शेरबहादुर देउवाले आफ्नो पार्टी सबैभन्दा ठूलो भएपनि बहुमत नहुँदा मिलेर सरकारमा जानुपर्ने बाध्यता रहेको बताएका छन्। शनिबार प्रजातान्त्रिक विचार समाजले काठमाडौंमा आयोजना गरेको कार्यक्रममा बोल्दै देउवाले अहिलेको प्रणालीमा कुनै पनि दलको बहुमत आउन गाह्रो हुने भएकाले मिलेर सरकार बनाउनुपर्ने र मिलेरै चुनाव लड्नुपर्ने बाध्यता रहेको बताए। उनले वर्तमान सरकारका केही कमीकमजोरी भए सुधार गर्दै अघि बढ्ने पनि बताए। त्यस्तै उनले ०४८ सालमा कांग्रेस नेतृत्वको सरकार बनेपछि देशमा विकासका धेरै कामहरू भएको दाबी गरे। मुलुक अहिले पनि विकासकै बाटोमा हिडिरहेको उनको भनाइ छ।

बिएल संवाददाता

बिएल संवाददाता - काठमाडौं

फेरि कांग्रेस र कम्युनिष्टहरू मिल्नुपर्ने अवस्था आयो: माधव नेपाल

नेकपा (एकीकृत समाजवादी)का अध्यक्ष माधव नेपालले विगतमा वामपन्थी र दक्षिणपन्थी विचार बोकेकाहरू मिलेर नै आन्दोलनहरू सफल भएको बताएका छन्। शनिबार ३२ औँ मदन-आश्रित स्मृति दिवसको अवसरमा आयोजित कार्यक्रममा बोल्दै उनले देशको परिस्थिति अनुरुप कांग्रेस र कम्युनिष्ट मिल्नुपर्ने बताएका हुन्। उनले जनताको विश्वास अनुरुप काम गर्नुपर्ने भन्दै सबै एकतावद्ध भएर काम गर्नुपर्ने बताए। उनले भने,‘कमरेड पुष्पलालले भन्नुभएको थियो- जबसम्म यहाँ नेपाली कांग्रेस र कम्युनिष्ट पार्टीले हातेमालो गदैनन्, निरङ्कुस राजतन्त्रलाई पञ्चायती तानाशाहीलाई पराजित गर्न सकिँदैन। यो विचारलाई कांग्रेसका नेता बीपी कोइरालाले अस्वीकार गरेका थिए। फलस्वरुप बीपी बाचुन्जेलसम्म नेपाली कांग्रेसबाट एक्लै आन्दोलन सफल भएन। पछिल्लो ०६२/६३ बामपन्थी र दक्षिणपन्थी विचार बोकेर पनि देशको परिस्थितीमा निरङ्कुश राजतन्त्रको विरुद्धमा जुध्ने मानसिकताले दुईले हातेमालो गरे र राजतन्त्रको अन्त्य पनि भयो। यो वास्तविकतालाई सबैले महसुस गर्नुपर्छ। किताबको पाना पल्टाएर होइन देशको परिस्थिती अनुसार अगाडि बढ्नुपर्छ।’

बिएल संवाददाता

बिएल संवाददाता - काठमाडौं

ट्रेन्डिङ