पोखरामा स्कुल बस दुर्घटना हुँदा आमाछोराको मृत्यु भएको छ। 

मृत्यु हुनेमा एलपी देवकोटा मेमोरियल विद्यालयकी कार्यालय सहयोगी ३३ वर्षीया आरती विक र उनका अन्दाजी ५ वर्षीय छोरा प्रिन्स विक रहेका छन्।

सोमबार बिहान साढे ८ बजेतिर पोखरा महानगरपालिका–२१ मा ग १ क ६२१९ नं. को स्कुल बस दुर्घटना हुँदा घाइते भएका प्रिन्सको गण्डकी मेडिकल कलेजमा उपचारका क्रममा मृत्यु भएको हो। 

सडकबाट करिब ५० मिटर तल बस खस्दा २८ जना भने घाइते भएका छन्। अहिले उनीहरूकाे उपचार  गण्डकी मेडिकल कलेज र मणिपाल शिक्षण अस्पतालमा उपचार भइरहेको छ।