पछिल्लो एक दशक मात्र संसारभरका सामाजिक सञ्जालमा दृष्टि दौडाउने हो भने एउटै कुराको दबदबा देख्न सकिन्छ, त्यो हो भीडतन्त्र र सञ्जालीय आक्रमण। प्रविधि विकासको महत्वपूर्ण उपलब्धिको रूपमा रहेको सामाजिक सञ्जालमा हिजोआज अरू कुरा कम र गालीविरोध र उग्रता बढी देखिन्छ।

एउटा सभ्य परिधि र तर्कसंगत आलोचनाले बढेको चेतनास्तर र मनोवैज्ञानिक एवं नैतिक शक्तिलाई प्रकट गर्दछ तर हचुवा, अनुमान र अफवाहको पछि लागेर अरूको व्यक्तिगत जीवन, स्वतन्त्रता र अस्तित्वमाथि नै जब प्रहार हुन थाल्छ, हाम्रो विवेक, चेतना र सिकाइप्रति नै प्रश्न गर्नुपर्ने अवस्था आउन थाल्छ।