बिएल संवाददाता
अशोक दाहाल
कतार मामिलाका जानकारहरूले कतारका अमिर शेख तमिम बिन हमाद अल थानीको राजकीय भ्रमणलाई अपेक्षा गरिए जति फलदायी बनाउन नेपाल चुकेको बताएका छन्।
अमिरको दुईदिने भ्रमणका बेला नेपालले सन् २००५ मा दुई देशले हस्ताक्षर गरेको श्रम सम्झौताको नवीकरण होस् भन्ने चाहेको थियो। तर त्यसो हुन सकेन।
कतारका लागि पूर्वराजदूत नारदराज भारद्वाज यो भ्रमणमा नेपालले यथेष्ट लाभ लिन नसकेको ठान्छन्।
“यो भ्रमणलाई राम्रोसँग गृहकार्य गरेर हाम्रा समस्या र अपेक्षाहरूलाई उनीहरूका सीमा र आकाङ्क्षाहरूसँग मिलाउन सकेको भए अझ बढी फाइदा हुन्थ्यो जस्तो लाग्छ,” भारद्वाज भन्छन्।
