बिएल संवाददाता
काठमाडौं
यू- १९ एसिया कपको जारी खेलमा नेपालले पाकिस्तानलाई १५३ रनका सामन्य लक्ष्य दिएको छ।
शुक्रबार युएईको आइसिसी एकेडेमी ओभल– २ मा टस हारेर ब्याटिङको निम्तो पाएको नेपाल ४७.२ ओभरमा १ सय ५२ रनमा अलआउट भयो।
नेपालका लागि उत्तम थापा मगरले ५१ रन बनाए। उनलाई पाकिस्तानी बलर अमिर हसनले आफ्नो बलमा आफैले क्याच गरेका थिए।
नेपालका कप्तान देव खनाल शून्य रनमै पेभिलियनद फर्किए।
त्यस्तै गुलशन झा एक रन बनाएर बोल्डआउट हुन पुगेका थिए। नेपालका आकाश त्रिपाठी ६, दिपेश कँडेल ३१ रन बनाएर आउट भए।
उता पाकिस्तानका मोहम्मद जिसानले ६ तथा आमिर हसनले २, उबेद साह र अली अस्फनले समान एक-एक विकेट लिए।
