लोकतान्त्रिक अपाङ्ग संघको अध्यक्षमा गगननिकट चम्लागाईं निर्वाचित
नेपाली कांग्रेसको भातृ संस्था राष्ट्रिय लोकतान्त्रिक अपाङ्ग संघको अध्यक्षमा माधवप्रसाद चम्लागाईं निर्वाचित भएका छन्। लोकतान्त्रिक अपाङ्ग संघको प्रथम महाधिवेशनमा क्रममा शनिबार भएको निर्वाचन मतगणनाको अन्तिम परिणामअनुसार चम्लागाईंले कुल खसेको ४७० मतमा ३५१ मत प्राप्त गरेका हुन्। अर्का अध्यक्ष पदका उम्मेद्वार विकास थापाले ८८ मत प्राप्त गर्दा अध्यक्ष पदमै उम्मेद्वारी दिएकी खड्काले १३ मत प्राप्त गरिन्। यस्तै उपाध्यक्ष र महामन्त्री पदमा पनि चम्लागाईं समुहकै उम्मेदवार निर्वाचित भएका छन्। उनको समुहबाट उपाध्यक्ष उम्मेद्वार बनेका उदयबहादुर लिम्बुले ३३२ मत प्राप्त गर्दै निर्वाचित भएका हुन्।
बिएल संवाददाता - काठमाडौं
