सत्तारुढ भारतीय जनता पार्टी (बिजेपी) बहुमतसहित पुनः सरकार बनाउने स्थितिमा पुगेपछि भुटान नरेश जिग्मे केशर नामग्याल वाङचुकले भारतीय प्रधानमन्त्री नरेन्द्र मोदीलाई अग्रिम बधाई दिएका छन्।

७ चरणमा भएको निर्वाचनको मतगणना विहिबार हुँदैछ। प्रारम्भिक आँकडा अनुसार बिजेपी र उसको सहयोगी पार्टी (एनडिए) ले साढे ३ सयभन्दा बढी सिट जित्ने अनुमान गरिएको छ।

सन् २०१४ को निर्वाचनभन्दा यसपालि एनडिएले राम्रो प्रदर्शन गरेको छ। भारतमा करिब डेढ महिना लगाएर ५ सय ५२ स्थानका लागि निर्वाचन भएको थियो।
निर्वाचनको प्रारम्भिक नतिजा अनुसार दोस्रो कार्यकालका लागि मोदी प्रधानमन्त्री बन्ने लगभग पक्का भएको छ।