ताप्लेजुङको फुङलिङबाट पाथीभरा मन्दिरसम्म जाने केवलकार निर्माणको विषयलाई लिएर झडप हुँदा तीन जना घाइते भएका छन्।
फुङ्लिङ नगरपालिका- १० काफ्लेपाटीमा केबलकार निर्माणको शिलान्यास गर्ने कार्यक्रममा अवरोध भएपछि झडप भएको हो। साेही क्रममा तीन जना घाइते भएका हुन्।
घाइते हुनेमा स्थानीय चन्द्र मादेन, दमोदार अधिकारी र कुमार लिम्बु रहेका छन्। उनीहरुलाई जिल्ला अस्पताल ताप्लेजुङ लगिएको प्रहरीले जनाएकाे छ।
झडप भएपछि प्रहरीले लाठीचार्ज गरेको थियाे। प्रहरीका अनुसार अहिले स्थिति नियन्त्रणमा आइसकेको छ।
