पाँचथरमा ट्रक दुर्घटना हुँदा एक जनाको मृत्यु भएको छ भने दुई जना घाइते भएका छन्।
हिलिहाङ गाउँपालिका ६ मा साेही पालिकाकाे वडा नम्बर २ सिंगापुरदेखि गोलिया लिएर झापा हिँडेको ना ४ ख ७१२३ नम्बरको ट्रक दुर्घना भएकाे थियाे।
दुर्घटनामा हिलिहाङ ३ निवासी भवानी शंकर पौडेलको घट्नास्थलमै मृत्यु भएको प्रहरीले जानकारी दिएकाे छ।
दुर्घटनामा इलाम सुर्योदय नगरपालिका १२ घर भएका ५२ वर्षीय तेजबहादुर दाश र ट्रक चालक झापा चारपाने निवासी ४० वर्षीय राजकुमार बस्नेत घाइते भएका छन्।
घाइते दुवै जनालाई पाँचथर अस्पतालमा प्राथमिक उपचारपछि झापा पठाउने तयारी भइरहेको छ।
ट्रक अनियन्त्रित भएर सडकदेखि करिब ५० मिटर तल खसेकाे जिल्ला प्रहरी कार्यालय पाँचथरका सूचना अधिकारी प्रहरी निरीक्षक बेनिलाल साहले जानकारी दिए।
