वैदेशिक राेजगारीका नाममा ४० जनाभन्दा बढी व्यक्तिहरुलाई ठगी गरेर फरार भएकी माेडल बिनु शाक्य पक्राउ गरेर नेपाल ल्याइएकाे छ।

उनका सहपाटी सुजन आचार्यसँगै कम्बाेडियाबाट असाेज १ गते पक्राउ परेकी उनलाई आइतबार नेपाल ल्याएकाे हाे। इन्टरपाेलबाट रेड नाेटिस जारी भएपछि उनीहरु पक्राउ परेका थिए। आचार्यलाई कात्तिक ९ गते नै नेपाल ल्याइएकाे थियाे।

उनीहरुमाथि वैदेशिक राेजगारीका सिंगापुर पठाइदिन्छाैँ भनेर ४० जना भन्दा बढी व्यक्तिबाट पाँच कराेड दुई लाख ९४ हजार ठगी गरेकाे आराेप छ।

शाक्यले माेडल र आचार्यले पत्रकारकाे आवरणमा काठमाडाैँमा ठगी धन्दा चलाएकाे प्रहरी अनुसन्धानबाट खुलेकाे थियाे। उदयपुरकाे त्रियुगा नगरपालिका वडा नं. १० घर भएका आचार्य र सिन्धुपाल्चोक मान्खा घर भएकी शाक्य प्रेमी-प्रेमिका रहेकाे खुलेकाे छ।

ठगीपछि पीडितहरु प्रहरीमा जान थालेपछि दुवै जना भागेका थिए।

शाक्यलाई प्रहरी वृत्त कालिमाटीमा राखेर अनुसन्धान सुरु गरिएकाे छ।