सहिदमार्गअन्तर्गत रोल्पाको त्रिवणी गाउँपालिकामा मंगलबार भएको यात्रुवाहक बस दुर्घटना परी चार जनाको मृत्यु भएको छ।
रोल्पाको बाघमारादेखि दाङकाे घोराहीतर्फ जाँदै गरेको ना ५ ख २६१२ नं. को बस रोल्पाको तिला बजार नजिकै रिसि घुम्तीमा मंगलबार दिउँसो करिब १२:३० बजेको समयमा दुर्घटना भएकाे हाे।
दुर्घटनामा परी करिब १५ जना गम्भीर घाइते भएको जनाइएकाे छ। घाइतेको उद्दार कार्य भइरहेको राेल्पा प्रहरीले जनाएकाे छ।
बस सडकबाट करिब १०० मिटर तल खसेको थियाे। केही यात्रु बसले च्यापिएको हुँदा मृत्यु हुनेको संख्या बढ्न सक्ने बताइएकाे छ।
