विश्व कीर्तिमानी हिमाल आरोही हरि बुढामगरलाई राष्ट्रियसभा अध्यक्ष गणेशप्रसाद तिमिल्सिनाले बधाई तथा सम्मान गरेका छन्। बुधबार अध्यक्ष तिमिल्सिनाले बुढामगरलाई बधाई तथा सम्मान गरेका हुन्।
अध्यक्ष तिमिल्सिनाको कार्यकक्षमा भएको सम्मान तथा बधाई कार्यक्रममा उनका सहयोगीसहित प्रतिनिधिसभा सदस्य ईश्वरी जीएमलगायतको उपस्थिति थियो। घुँडामाथिसम्म दुवै खुट्टा गुमाएर पनि सर्वोच्च शिखर सगरमाथाको आरोहण गरेका बुढामगर मंगलबार काठमाडौं आएका थिए।
भूतपूर्व गोर्खा सैनिक समेत रहेका बुढामगर यही जेठ ५ गते दिउँसो सर्वोच्च शिखर सगरमाथाको चुचुरोमा पुगेका थिए। घुँडामाथिसम्म खुट्टा गुमाएर सर्वाेच्च शिखर सगरमाथा आरोहण गर्ने उनी विश्वमै पहिलो आरोही बनेका छन्।
.jpg)
