नेपाली कांग्रेसका केन्द्रीय उपसभापति धनराज गुरुङ र लुम्बिनी प्रदेशका सभापति अमरसिंह पुनबीच भेटवार्ता भएको छ।
आइतबार काठमाडाैंमा भएकाे भेटमा उनीहरुबीच कांग्रेस संसदीय दलको निर्वाचनको बारेमा छलफल भएकाे हाे।
भेटमा राष्ट्रिय राजनीति, संघ र प्रदेश सरकार गठनलगायतका विषयमा छलफल भएको पुनको सचिवालयले जनाएको छ।
गुरुङ र पुन दुवै संस्थापन इतर समूहका हुन्। सभापति पुनले संसदीय दलको नेतृत्वको लागि संस्थापन इतर समूहबाट साझा उम्मेदवार बनाउनुपर्नेमा जाेड दिएका छन्।
इतर समूहबाट संसदीय दलको नेताकाे प्रतिस्पर्धामा डा. शेखर कोइराला र महामन्त्री गगन थापाकाे नाम सर्वाधिक चर्चामा छ।