नेपाल मजदुर किसान पार्टी (नेमकिपा)की केन्द्रीय सदस्य तथा बागमती प्रदेश सभा सदस्य सिर्जना शैजुले नेपालमा मिलिनियम च्यालेञ्ज कर्पोरेशन (एमसीसी) एमसीसी पास गर्नु नेपाली जनताको आत्मामा प्रहार गर्नुभएको बताएकी छिन्।
एमसीसीको बिरोधमा शुक्रबार नयाँ बानेश्वरमा आयोजित विरोध र्यालीमा बोल्दै शैजुले यस्तो बताएकी हुन्।
‘एमसीसीले भनेको छ, नेपालको संविधान बाँझिए सम्झौता लागू हुन्छ। संविधानसँग हाम्रो आत्मा जोडिएको छ,’ उनले भनिन्,‘त्यो हाम्रो आत्मामा प्रहार हो, संविधानमाथि प्रहार हो।’
उनले एमसीसी सम्झौतामा प्रधानमन्त्रीले राष्ट्रघात देखेको छैन भन्नु अचम्मको कुरा भएको बताइन्।
‘एमसीसी लागू भए नेपाल सरकार आफै एमसीसी निगम अन्तर्गत रहन्छ,’ उनले भनिन्,‘उसले भविष्यमा बनाउने कानुन समेत नेपालले मान्नुपर्ने अवस्था छ।’
