नेपाल प्रहरीको केन्द्रीय अनुसन्धान ब्युरो (सीआईबी) ले सातदोबाटोकाे एक कल सेन्टरमा छापा मारेर दुई भारतीयसहित ५३ जनालाई अनलाइन जुवा खेलाएको अभियोगमा पक्राउ गरेको छ ।
सीआईबीका प्रवक्ता प्रहरी उपरीक्षक होविन्द्र बोगटीका अनुसार उनीहरूलाई ‘अनलाइन क्यासिनो’ खेलाएका अभियोगमा पक्राउ गरिएको हो।
पक्राउ परेका उनीहरूलाई मंगलबार अदालतबाट म्याद लिएर थप अनुसन्धान गरिने बताइएकाे छ।
अभियुक्तहरूबाट ८५ वटा ल्यापटप कम्प्युटर ८२ थान मोबाइल फोन पनि बरामद भएको छ।
उनीहरूले अनलाइन जुवाका साथै अवैध गतिविधि सञ्चालन गरेको पाइएको प्रवक्ता बोगटीले बताए।
.JPG)
