नेकपा एमालेका नेता महेश बस्नेतले रवि लामिछानेलाई स्वतन्त्र न्यायालय विरोधीको संज्ञा दिएका छन्।
मंगलबार सामाजिक संजालमार्फत उनले न्यायालयप्रति रविको दृष्टिकोण अरूलाई पर्दा र आफूलाई फरक-फरक रहेको बताएका हुन्।
उनले लेखेका छन्, ‘संवैधानिक सर्वोच्चता, कानुनी राज्य, स्वतन्त्र न्यायपालिका, अझ त्यो भन्दामाथि संविधानवाद भनेर व्याख्या गर्ने रवि लामिछानेजीको न्यायालयप्रतिको दृष्टिकोण अरुका विरुद्ध फैसला हुँदा मयुर जस्तो! आफ्ना विरुद्ध फैसला हुँदा सुंगुर जस्तो!’
बस्नेतले लामिछाने र रास्वपालक्षित कडा टिप्पणी गर्दै आएका छन्। रास्वपा नेताहरू र महेश बस्नेतबीच बेला बेला सामाजिक संजालमा आरोप प्रत्यारोप चल्ने गरेको छ।
