जुम्लासहित उच्च हिमाली भेगमा मंगलबार रातिबाट हिमपात भएको छ।
सेताम्मे हिउँले जुम्ला बजार ढाकेको छ भने पाटनमा गाईवस्तुलाई दाना खुवाउन समस्या भएको छ।
हिमपातका कारण घरबाहिर निस्कन र एक गाउँदेखि अर्को गाउँसम्म जान कठिन भएको छ।
मौसम पूर्वानुमान महाशाखाका अनुसार काठमाडौंकाे चन्द्रागिरिसहित उच्च हिमाली भेगमा हल्का वर्षा र हिमपात भएको छ।
जुम्लामा हिउँका कारण अत्यधिक चिसो बढेपछि यहाँको जनजीवन प्रभावित भएको छ। स्थानीय प्रशासनले चिसोबाट बच्न न्यानो भएर बस्न आग्रह गरेको छ।
