नेकपा एमालेका नेता योगेश भट्टराई र गोकर्ण विष्टले पार्टीबाट निकालिएका माधवकुमार नेपाल समूहसँग मिलेर संयुक्त वक्तव्य निकालेका छन्।
गत ७ गते नेपाली कांग्रेसका सभापति शेरबहादुर देउवालाई प्रधानमन्त्री बनाउने प्रस्तावमा नेता भट्टराईले असहमति जनाउँदै हस्ताक्षर गर्न अस्वीकार गरेका थिए। नेता विष्टले पनि विपक्षी दलको बैठकमा सहभागी भए पनि देउवालाई प्रधानमन्त्री बनाउन बटुलिएको भनिएको हस्ताक्षर आफूले नदिएकाे भन्दै स्पष्टीकरणसमेत दिएका थिए।
खनाल-नेपाल समूहका २६ जनाले गरेको हस्ताक्षरमा उनीहरुले हस्ताक्षर नगरेपछि माधव नेपाल समूहलाई छोडेको धेरैकाे अनुमान थियाे।
तर आज (बुधबार) भट्टराई र विष्ट दुबैले नेपाल समूहका झलनाथ खनाल, माधवकुमार नेपालसहित १५ स्थायी कमिटी सदस्यसँग मिलेर यस्ताे वक्तव्य निकालेका छन्:
.jpg)
