काठमाडौं उपत्यकामा पछिल्लो २४ घण्टायता १६३८ जना कोरोना संक्रमित थपिएका छन्। थपिएकामध्ये काठमाडौंका मात्र १२८० जना रहेका छन्।

स्वास्थ्य तथा जनसंख्या मन्त्रालयका अनुसार भक्तपुरमा १९६ र ललितपुरमा १६३ जना संक्रमित थपिएका छन्। 

नेपालमा पछिल्लो २४ घण्टायता २७२२ जना कोरोना संक्रमित थपिएका छन्। यससँगै नेपालमा हालसम्म कोरोना संक्रमित हुनेको संख्या ८२४५० जना पुगेको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १४७३९ वटा पीसीआर परीक्षण गरिएको छ। यससँगै हालसम्म १०४८६८६ वटा पीसीआर परीक्षण भएको छ।

आज ३३०७ जना निको भएका छन् भने हालसम्म संक्रमणबाट निको हुनेको संख्या ६०६९६ जना पुगेको छ। हाल सक्रिय संक्रमितको संख्या २१२३४ छ।

पछिल्लो २४ घन्टामा ११ जना कोरोना संक्रमितको मृत्यु भएको छ। यो सँगै कुल मृत्यु हुनेको संख्या ५२० पुगेको छ।