पर्साको नारायणी अस्पतालको परीक्षण केन्द्रमा बुधबार गरिएको परीक्षणमा थप ३० जनामा कोरोना पोजेटिभ भएको नारायणी अस्पतालका डाक्टर अतुलेस कुमार चौरियाले जानकारी दिए।

बुधबार राति गरेको ९६ परीक्षणबाट १० महिला र २० पुरूषसहित ३० जनामको कोरोना पुष्टि भएको हो।

पुष्टि हुनेमा ९ वर्षदेखि ६९ वर्षसम्मका छन्। यसमध्ये पर्साका २४ जना, बाराका २ जना, रौतहटका २ जना र सर्लाहीका १ जना छन्।

पर्साका सबै २४ जनै वीरगन्ज महानगरपालिकाका हुन्। यस्तै बाराका ३ जना मध्ये महागढीमाई नगरपालिका, कलैया उपमहानगरपालिका र प्रशी गाउँपालिकाका १-१ जना छन्।

यस्तै रौतहटका २ जनामध्ये कटहरिया गाउँपालिका र फतुवा विजयपुर नगरपालिकाका १-१ जना छन्।

यस्तै बसबारिया गाउँपालिका सर्लाहीका १ जना संक्रमित फेला परेको अस्पतालले जनाएको छ।