करीब ५ महिनाको अवधिमा कोरोना भाइरस (कोभिड– १९)को बिमा गराउनेको संख्या ७ लाख ३८ हजारभन्दा बढी नाघेको छ ।
बिमा कम्पनीहरूको नियामक निकाय बिमा समितिको तथ्यांकअनुसार बुधवार (भाद्र ३ गते) सम्ममा ७ लाख ३८ हजार ४ सय ५८ जनाको कोरोना बिमा भएको छ ।
कोरोना बिमालेख बिक्रीमार्फत बिमा कम्पनीहरूले हालसम्म ४१ करोडभन्दा बढीको प्रिमियम (बिमा शुल्क) संकलन गरेका छन् ।
बुधवारसम्मको तथ्यांकमा ७८ हजार ८ सय ७१ बिमालेख बिक्री भएका छन्, जसबाट ४१ करोड ६२ लाख ७० हजार ९ सय ८२ रुपैयाँ संकलन भएको छ ।
.png)
