पछिल्लो २४ घण्टामा उपत्यकामा ४४ जना कोरोना भाइरस संक्रमित थपिएका छन् ।
सोमबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले विभिन्न प्रयाेगशालामा गरिएकाे परीक्षणमा ४४ जनामा संक्रमण पुष्टि भएकाे बताए।
उनका अनुसार काठमाडौंमा ३६ तथा ललितपुर र भक्तपुरमा ४/४ जना रहेका छन् ।
याेसहित काठमाडौं उपत्यकामा कूल संक्रमितको संख्या ११८० पुगेको छ।
काठमाडौंमा ९४८, ललितपुरमा १४३ र भक्तपुरमा ८९ संक्रमित पुष्टि भएका छन्।
आइतबार देशभर ३३८ संक्रमित थपिएका छन्। योसँगै कूल संक्रमितको सख्ंया २३ हजार ३ सय १० पुगेको छ। भने १४० जना संक्रमित निको भएका छन्। निको हुनेहरुको संख्या सोमबार १६ हजार ४ सय ९३ पुगेको छ।
