नेपालमा थप २ सय ७४ जना कोरोना संक्रमित पुष्टि भएका छन्। स्वास्थ्य तथा जनासंख्या मन्त्रालयले नियमित पत्रकार सम्मेलन गरी बुधबार उक्त संख्यामा संक्रमित थपिएको बताएको हो।
मन्त्रालयका प्रवक्ता प्राध्यापक डा. जागेश्वर गौतमका अनुसार हालसम्म देशभर कुल संक्रमितको संख्या १९ हजार ५ सय ४७ पुगेको जानकारी दिए।
संक्रमितको सङ्ख्यासँगै निको हुनेको सङ्ख्या पनि बढिरहेको छ। विगत २४ घण्टामा २७ जना निको भएसँगै अहिलेसम्म १४ हजार २ सय ४८ जना रोगमुक्त भएका छन्।
मन्त्रालयको तथ्याङ्कअनुसार अहिले सक्रिय संक्रमण भएका कुल ५,२४७ व्यक्ति देशभरि आइसोलेशनमा छन् भने १३ हजार २०१ जना क्वारेन्टाइनमा रहेका छन्।
पछिल्लो २४ घण्टामा ६ हजार ३ सय ४ जनाको पिसिआर परीक्षण भएको छ। हालसम्म ३ लाख ६४ हजार ६ सय ४८ जनाको पिसिआर परीक्षण भएको छ।
हाल देशभर ५ हजार २ सय २७ सक्रिय संक्रमित छन्। त्यस्तै ५२ जनाले कोरोनाका कारण ज्यान गुमाएका छन्।
