बितेको २४ घण्टामा उपत्यकामा थप ९ जनामा कोरोना भाइरस संक्रमण देखिएको छ।
बिहीबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले भक्तपुरका २, काठमाडौंका ५ र ललितपुरका २ मा संक्रमण देखिएकाे जानकारी दिए।
आज मात्रै १४७ मा कोरोना भाइरस संक्रमण पुष्टि भएको छ। योसँगै कुल संक्रमितको संख्या १८ हजार २४१ पुगेको छ।
यस्तै बितेको २४ घण्टामा थप १५६ जना कोरोना संक्रमणमुक्त भएका छन्। योसँगै संक्रमणमुक्त रहनेको संख्या १२ हजार ८४० पुगेको छ।
हाल देशमा सक्रिय संक्रमितको संख्या ५ हजार ३५८ रहेको छ। यसैबीच हाल ६ जिल्लाहरु पाँचथर, भोजपुर, संखुवासभा, रसुवा, मनाङ र मुस्ताङ कोरोना संक्रमणमुक्त रहेका छन्।
