एभरेस्ट प्रिमियर लिग (ईपिएल) टी–२० क्रिकेटमा प्रतियोगितामाअन्तर्गत पहिलो खेलमा चितवनले भैरहवालाई एक सय ६५ रनको लक्ष्य प्रस्तुत गरेको छ।
त्रिवि क्रिकेट मैदानमा टस जितेर पहिले ब्याटिङ गरेको चितवनले निर्धारित २० ओभरमा आठ विकेट गुमाएर एक सय ६४ रन बनाएको हो।
चितवनका लागि करिम जन्नतले सर्वाधिक ३५ रनको बनाए। यस्तै, मोहम्मद सहजादले ३२ र सिकुगे प्रसन्नाले २४ रन बनाए।
भैरहवाका अविनाश बोहराले सर्वाधिक तीन विकेट लिए। यस्तै, कुशल मल्ल दुई तथा कृष्ण कार्की, दुर्गेश गुप्ता र धम्मिका प्रसादले समान एक–एक विकेट लिए।
चितवन क्वालिफायर भइसकेको छ। चितवन चार खेलमा आठ अंक जोडेर शीर्ष स्थानमा छ।
