वालिङ नगरपालिका ५ लसुनेस्थित पक्की पुलबाट मिर्दीखोलामा खसेर शनिबार राति बेपत्ता भएका एक युवकको शव फेला परेको छ ।

अन्दाजी २२ वर्षीय लोकबहादुर थापा दमाईको शव वालिङ ६ ढलेको स्वामीस्थित खोलाको किनारमा आइतबार बिहान फेला परेको जिल्ला प्रहरी कार्यालयका प्रहरी नायब उपरीक्षक राजेन्द्रप्रसाद अधिकारीले जानकारी दिए ।

ती युवक रुपन्देही जिल्ला घर भई हाल वालिङ ७ केवरेस्थित भिनाजुको घरमा बस्दै आएका थिए।