न्युजिल्यान्डका कप्तान केन विलियम्सन एउटै विश्व कपमा सर्वाधिक रन बनाउने कप्तान बन्न सफल भएका छन्।
उनले १२ वर्षअघि श्रीलंकाली कप्तान महेला जयबद्र्धनेले बनाएको ५ सय ४८ रनको कीर्तिमानलाई भंग गरेका छन्। आइतबार इंग्ल्यान्डविरूद्ध फाइनल खेलमा एक रन जोड्दै विलियम्सनले जयबद्र्धनेको कीर्तिमान भंग गरेका हुन्।
विलियम्सनले इंग्ल्यान्डविरूद्ध ३० रन बनाए। उनी विश्व कपमा ५ सय ७८ रन बनाउन सफल भएका हुन्।
