काठमाडौँबाट धरान हिँडेकी एक युवतीको साथबाट प्रहरीले ८ किलो १६० ग्राम चरेस बरामद गरेको छ ।

पर्सा पटेर्वा सुगौली नगरपालिका १ की २४ वर्षीया गीता राईलाई हेटौडा उपमहानगरपालिका १० बसपार्कस्थित सडकखण्डबाट पक्राउ गरिएको मकवानपुर प्रहरीले जनाएको छ ।

बा४ख ८०६० नम्बरको बसलाई रोकेर चेकजाँच गर्दा राईको झोलामा प्लास्टिकको टेपले बेरेर ८ पोकामा लुकाइराखेको चरेस पक्राउ गरिएको मकवानपुर प्रहरीले जनाएको छ। उनलाई लागुऔषध नियन्त्रण ऐन २०३३ बमोजिम अनुसन्धान थालिएको प्रहरीले जनाएको छ।