नेकपा माओवादी केन्द्रका अध्यक्ष पुष्पकमल दाहाल 'प्रचण्ड'ले नेकपा एमालेका अध्यक्ष केपी शर्मा ओलीलाई टेलिफोन गरेर पार्टीको आठौं महाधिवेशन उद्घाटन समारोहमा निम्तो गरेका छन्।
उनले शुभकामना दिन आग्रह गर्दै निम्तो गरेका हुन्।
पूर्वनिर्धारित पार्टीका विभिन्न कार्यक्रमको सिलसिलामा गृहजिल्ला झापा आएका ओलीले आफू आउन नसक्ने जवाफ दिएका छन्।
प्रचण्डले ओलीलाई नेकपा विभाजनपछि पहिलो पटक टेलिफाेन गरेका हुन्।
ओलीले प्रचण्डलाई महाधिवेशनको शुभकामना दिँदै आफू आउन नसक्ने बताएको प्रचण्डको सचिवालयले जनाएको छ।
एमालेको तर्फबाट महासचिव शंकर पोखरेलले माओवादी महाधिवेशनमा जाने बुझिएको छ।
