मोरङको सुन्दरहरैंचा नगरपालिका–५ स्थित नमुना सामुदायिक वनभित्र सोमबार बिहान तीन नाल भरुवा बन्दुक फेला परेका छन्। तीनवटै बन्दुक लोड गरेको अवस्थामा फेला परेकाे हाे।
प्रहरीको गस्ती टोलीले बेबारिसे अवस्थामा बिहान ८ बजे रुखको टोड्काभित्र लुकाएर राखेको अवस्थामा बन्दुक फेला पारेको हो। मोरङ प्रहरीका प्रवक्ता डीएसपी राजकुमार खिउँजुका अनुसार तीनवटै बन्दुक भेला पारेर प्रहरीले नियन्त्रणमा लिएको छ। बन्दुक कसले राखेको हो भन्ने बारेमा खुलेको छैन।
खिँउजुले अवैध रुपमा वन्यजन्तुको चोरी सिकारी गर्ने समूह प्रहरी आएको थाहा पाएपछि रुखको टोड्कामा बन्दुक लुकाएर भागेको हुनसक्ने बताए। बरामद बन्दुकका बारेमा अनुसन्धान सुरु गरिएको जानकारी उनले दिए।
याे पनि हेर्नुहाेस।
.jpg)
