काठमाडौंको तिनकुनेमा एउटा टिप्परले तीन वटा मोटरसाइकललाई ठक्कर दिँदा १ जनाको मृत्यु हुनुका साथै २ जना गम्भीर घाइते भएका छन्।

आईतबार साँझ तीनकुनेबाट गौशालातिर जादै गरेको टिप्परले सिनामंगल ओह्रालो तीनकुनेमा तीन वटा मोटरसाईकलाई ठक्कर दिएको थियो।

नम्बर खुल्न नसकेको टिपरले नम्बर खुल्न नसकेको एक भिआर मोटर साइकल र बा ८५ प ५६९ र ज ४३ प ९७५३ नम्बरको मोटरसाइकललाइ ठक्कर दिँदा दुर्घटना भएको हो। भिआर बाइकको नम्बर प्लेट नै कुच्चिएकाले नम्बर खुल्न नसकेको हो। 

टिप्परको ठक्करबाट एक जनाको घटनास्थलमै मृत्यु भएको महानगरीय प्रहरी आयुक्त कार्यालयका प्रवक्ता एसएसपी श्याम ज्ञावलीले जानकारी दिए।

उनका अनुसार ठक्करबाट एक जनाको घटनास्थलमै मृत्यु भएको होभने अन्य २ जना गम्भीर घाईते भएका छन्।

मृतकको सनाखत हुन सकेको छैन। ठक्कर दिने टिपरको यकिन नखुले पनि एक शंकास्पद टिप्परलाई नियन्त्रणमा लिएको एसएसपी ज्ञावलीले बताए। घाइतेहरूको केएमसी अस्पतालमा उपचार भइरहेको छ।