काठमाडौंको नयाँ बसपार्कस्थित एक गेस्ट हाउसमा युवा यु्वती मृत अवस्थामा फेला परेका छन्। प्रहरीका अनुसार उनीहरू चितवनका ३७ वर्षीय यमबहादुर मगर र मकवानपुरकी ३० वर्षीया सविना बजगाईं रहेका छन्।
महागरीय प्रहरी वृत्त महाराजगन्जका प्रमुख डीएसपी फणिन्द्र प्रसाईले उनीहरू नयाँ बसपार्कको पर्वत गेस्ट हाउसको कोठा नम्बर १११ मृत अवस्थामा फेला परेको बताए ।
प्रारम्भिक अनुसन्धानअनुसार जोडी प्रेमीप्रेमिका रहेको र उनीहरूले आत्महत्या गरेको हुनसक्ने प्रहरीले अनुमान गरेको छ ।
घटनाका बारेमा विस्तृत अनुसन्धान भइरहेको प्रहरीले जनाएको छ । केही दिनयता नेपालका विभिन्न भागमा आत्महत्याका घटना बढेको प्रहरीले जनाएको छ ।
.jpg)
