वीरगंजको रानीघाट स्थीत सिर्सिया नदि छेउमा बेवारीसे अवस्थामा एक लास फेला परेको छ ।

बुधबार बिहान सोढे ७ बजे स्थानीयवासीले अन्दाजि ३५/४० बर्ष उमेरको युवकको लास नदि किनारमा बाँसको झ्याङमा अड्केको अवस्थामा देख्ने बित्तिकै प्रहरीलाई खबर गरेका थिए ।

घटना स्थलमा पुगेका प्रहरीको टोलीले संकास्पद अवस्थामा भेटिएको मृतकको खल्तिमा ६ सय रुपैया रहेको तर मृतकको पहिचान भने खुल्न नसकेको बताए।

शवको पहिचान हुननसकेपछि जाँच मुचुल्का लगायतका प्रारम्भिक अनुसन्धान कार्य सम्पन्न गरि अहिले थप अनुसन्धानका लागी वीरगंजको नारायणी अस्पतालमा पठाईएको वडा प्रहरी कार्यालय श्रीपुरका प्रहरी निरीक्षक चक्रबहादुर मल्लले बताए ।