बागलुङको तमानखोला गाउँपालिका–४ लाम्मेला, शिवपुरीमा पहिरोले ७ वटा घर पुरिँदा मृत्यु हुनेको संख्या तीन पुगेको छ।

गए राति गएको पहिरोमा परी स्थानीय ओमबहादुर श्रीपालीकी श्रीमती ४५ वर्षीया सन्तकुमारी, स्थानीय देवेन्द्र श्रीपालीकी ७० वर्षीया आमा अन्सरी श्रीपाली  र १२ वर्षीय छोरा प्रवीण श्रीपालीको ज्यान गएको प्रहरीले जनाएको छ।

पुरिएका ३४ वर्षीया सुनिता श्रीपाली, उनका छोराहरु १६ वर्षीया अनिल, ९ वर्षीय राम, ५ वर्षीय कमल र ४० वर्षीय चित्रदेवी श्रीपालीलाई उद्धार गरेर अस्पताल पठाइएको बाग्लुङ प्रहरीले जनाएको छ।

डेढ सय मिटर माथिबाट खसेको पहिरोले ७ घरमा क्षति पुर्‍याएको जनाइएको छ । पहिरोमा परी घाइते भएकालाई स्थानीय र प्रहरी मिलेर उद्धार गरेका छन्।