प्रतिबन्धित विप्लव समूहले देशभरीका दर्जनौं एनसेल टावरमा आगजानी गरेको छ।

प्रहरीका अनुसार बुधबार बेलुकादेखि बिहीबार बिहान सम्म १४ ठाँउमा एनसेल टावर र १ ठाँउमा एनटीसीको गरी १५ स्थानमा रहेका टेलिफोन टावरमा आगजनी गरेको छ।

प्रहरीका अनुसार झापा, ललितपुर, सिन्धुपाल्चोक, धादिङ, पूर्वी नवलपरासी, पर्वत, बाग्लुङ, म्याग्दी, कपिलबस्तु, रूपन्देही, बाँके, डडेल्धुरा, कैलालीमा रहेका एनसेल टावरमा आगजनी भएको प्रहरीले जनाएको छ।

त्यसैगरी अर्घाखाँचीमा एक ओटा नेपाल टेलीकमको टावरमा आगजनी भएको प्रहरीले जनाएको छ।