हेटौडा । विप्लव नेतृत्वको नेकपाका कार्यकर्ताले मकवानपुरमा दुई वटा गाडीमा आगजनी गरेका छन्।

मंगलबार राति फाखेल हुमाने भन्ज्याङमा बा १४ च ८२३४ नम्बरको कार र मनहरी ज्यामिरे खरङ्गामा बा ५ ख १७३९ नम्बरको ट्रकमा विप्लव नेतृत्वको नेकपाका कार्यकर्ताले आगजनी गरेको जिल्ला प्रहरी कार्यालय मकवापनुरका प्रहरी उपरीक्षक मुकेश कुमार सिंहले जानकारी दिए।

आगजनीपछि कार पूर्ण रुपमा जलेको छ भने ट्रकको अगाडिको भाग मात्र जलेको प्रहरीले जनाएको छ।

विप्लव नेतृत्वको नेकपाले आफ्ना नेता तथा कार्यकर्ता रिहाइको माग गर्दै मध्य कमाण्ड बन्दको घोषणा गरेको छ।