काठमाडौं । काठमाडौंको केशरमहल चोक नजिकै गएराति टिपरमा स्कुटर ठोकिँदा एक जनाको मृत्यु भएको छ। साथै अर्का एक व्यक्ति घाइते भएका छन्।

रोकिराखेको ना ३ ख ७५६१ नम्बरको टिपरको पछाडि बा ९२ प ६५६५ नम्बरको स्कुटर गएराति साढे १२ बजे ठोकिएको थियो।

दुर्घटनामा स्कुटर चालक काठमाडौंको बुढानिलकण्ठ बस्ने ३५ वर्षिय सन्जय ठकुरी र स्कुटरमा पछाडि सवार कलंकी बस्दै आएका ३० वर्षीय विशाल लुईंटेल घाइते भएका थिए।

घाइते मध्ये ठकुरीको नेपाल नेशनल अस्पताल कलंकीमा उपचारको क्रममा आज बिहान सवा ४ बजे मृत्यु भएको हो।

लुईंटेलको भने वीर अस्पतालको राष्ट्रिय ट्रमा सेन्टरमा उपचार भइरहेको महानगरीय प्रहरी वृत दरबारमार्गले जनाएको छ।