वीरगन्ज । प्रहरीले पर्साबाट १ सय २० किलो अवैध लागूऔषध गाँजा बरामद गरेको छ।

जिल्ला प्रहरी कार्याल पर्साको प्रहरी टोलीले बुधबार वीरगन्ज महानगरपालिका २८ बगहीबाट उक्त गाँजा बरामद गरेको हो।

भारतीय नम्बर प्लेटको कारमा राखेर भारततर्फ निकासी गर्दै गरेका बेला ५ जना सहित उक्त गाँजा बरामद गरेको हो।

पक्राउ पर्नेमा सर्लाही लालबन्दी नगरपालिकाका रमेश लामिछाने, प्रेम दास, राजेश खवास र डम्मर मणी घिमिरे रहेका छन् ।

पक्राउ परेका उनीहरुलाई प्रहरी हिरासतमा राखि आवश्यक अनुन्धान अघि बढाइएको प्रहरीले जनाएको छ ।