नेपाल आयल निगमले पेट्रोल र डिजेलको मूल्य बढाउँदा खाना पकाउने एलपीजी ग्यासको मुल्य भने घटाएको छ ।
मंगलबार रातिबाट लागू हुनेगरी निगमले पेट्रोलमा प्रतिलिटर एक र डिजेल/मट्टितेलमा ५० पैसा मूल्य बढेको छ ।
नयाँ मूल्यअनुसार पेट्रोल एक सय नौ रूपैयाँ रुपैयाँ प्रतिलिटर र डिजेल/मट्टितेल ९७ रूपैयाँ प्रतिलिटर कायम गरिएको छ ।
एलपीजी ग्यासमा प्रति सिलिण्डर २५ रुपैयाँ घटाएको हो।
नयाँ मूल्य अनुसार उपभोक्ताले एक सिलिण्डर ग्यासका लागि एक हजार तीन सय ७५ रुपैयाँ तिर्नुपर्नेछ ।
हवाई इन्धनका खुद्रा बिक्री मूल्य भने यथावत राखिएको निगमले जनाएको छ ।
आर्थिक वर्ष २०७५/७६ मा एलपी ग्यासमा करिब ६ अर्ब रुपैयाँ नोक्सानी ब्यहोरेको निगमले अहिलेसम्म स्वचालित मूल्य प्रणालीअनुसार मूल्य समायोजन गर्न सकेको थिएन ।
मूल्य समायोजनपछि पनि वीरगञ्ज नाकामा नेपालतर्फको मूल्य रक्सौलको तुलनामा पेट्रोल र डिजेलमा प्रतिलिटर क्रमशः १४ रुपैयाँ ३७ पैसा र १५ रुपैयाँ ४७ पैसा सस्तो रहेको निगमले जनाएको छ ।
