'यो पनि कृष्णको,
त्यो पनि कृष्णको,
सारा संसार कृष्णको,
म पनि कृष्णको'
कृष्ण जन्माष्टमीका दिन आज देशभरका कृष्ण मन्दिरहरुमा कृष्ण महिमा चल्दैछ। भगवान कृष्णको दर्शन गरि कृष्ण भजनहरु गुञ्जिदैछन्। कृष्णसँगै उनकी बालसखा राधाको नाम पनि गीतहरुमा सुनिन्छन्।
बाल्यकालदेखि सँगै रहेका यी दुई एकअर्का प्रति मोहित थिए। धार्मिक पुराणहरुमा राधा र कृष्णका अनेकौं लीलाहरुको वर्णन पाइन्छ। यससँगै कृष्णकी गोपिनीहरुको लीला पनि चर्चाको विषय हो। यद्यपि, कृष्ण र राधा मनले एक भएपनि गृहस्थ जीवन भने कहिल्यै बिताएनन्। धेरैजसो कृष्ण मन्दिरमा राधाकृष्णकै पूजा हुन्छ। तर, कृष्णलाई जीवन संगिनीका रुपमा साथ दिएकी रुक्मिणी र सत्यभामाको पूजा वा भजन खासै भएको देखिँदैन।
जनमाष्टमीका अवसरमा पाटनको कृष्ण मन्दिरमा पनि भक्तजनहरुको भीड लागेको छ। मन्दिर दैनिक रुपमा नित्य पूजा र आरतीका लागि खुल्ने गर्छ। कृष्ण जन्माष्टमीमा भने बिहानै देखिनै मन्दिरका ढोका खुल्ला हुन्छ। राष्ट्रप्रमुख नै कृष्ण मन्दिरमा पूजा गर्न पुग्छन्।
मन्दिरमा रहेको कृष्णको मूर्तिको तस्विर लिन पाइदैन। कृष्णको मूर्तिको दायाँ बायाँ दुई महिलाको मूर्ति छ।
