काठमाडौँ । राष्ट्रियसभा सदस्य रामनारायण बिडारी सामान्य बिरामी भएको बेला संसद सचिवालयमा रहेको स्वास्थ्य सेवा केन्द्रमा स्वास्थ्य परिक्षण गराउँछन् । बुधबार उनी छाती र घाँटी दुख्ने समस्या भएपछि स्वास्थ्य परिक्षण गराए र औषधी लिए । उनले सामान्य स्वास्थ्य समस्या देखिँदा संसद सचिवालयले उपलब्ध गराएको स्वास्थ्य सेवा लिने गरेको बताए ।
संघीय संसद सचिवालयले प्रतिनिधी सभा, राष्ट्रिय सभा र सचिवालयका कर्मचारीलाई प्राथमिक स्वास्थ्य सेवा दिने गरी स्वास्थ्य केन्द्र सञ्चालन गरेको छ । जहाँ हरेक दिन जसो चालिस ४०–५० जनाले स्वास्थ्य परिक्षण गराउँछन् ।
वरिष्ठ चिकित्सकसहित ६ जनाको टोली रहेको स्वास्थ्य इकाईमा उपचारका लागि दुईवटा बेड र निःशुल्क औषधीको व्यवस्था गरिएको छ ।
यस्तै सदन चलेको बेला नयाँ बानेश्वरमा स्वास्थ्य इकाई सञ्चालन हुने गरेको छ । जहाँ कर्मचारी, सांसद र मन्त्रीहरु समेत गरी एक जना सम्मले ब्लड प्रेशर, सुगर लगायतको समस्याँ जाँच गर्ने गरेको डाक्टर पुष्प रिजालले जनाकारी दिए । सदन चलेको बेला सांसदहरु आकस्मिक बिरामी परेमा तत्काल उपचारका लागि लान वीर अस्पतालको एम्बुलेन्स समेत तयारी अवस्थामा राखिने गरिएको छ ।
