सार्वजनिक यातायातका लागि साझा यातायातले विद्युतीय बस ल्याउने प्रक्रिया थालेसँगै अब ठूला सवारीसाधनलाई अनुकूल हुनेगरी पूर्वाधार बनाउन सरकारले तदारूकता देखाउनु पर्ने व्यावसायीहरूले बताएका छन्।
काठमाण्डूमा सोमवार आयोजित एक कार्यक्रममा प्रदेश नम्बर तीन सरकार, काठमाण्डू महानगरपालिका र ललितपुर महानगरपालिका मिलेर विद्युतीय बस सञ्चालन गर्ने सम्झौतापत्रमा हस्ताक्षर गरेका छन्।
त्यसका लागि प्रदेश नम्बर तीन सरकारले तीस करोड रूपैयाँ र ललितपुर नगरपालिकाले दुई करोड पचास लाख रूपैयाँको सेयर खरिद गरिसकेका छन्।
काठमाण्डू महानगरपालिकाले समेत त्यसमा योगदान गरेपछि अझै रकम बढ्ने साझाले जनाएको छ।
