BreakNLinks

बुधबार, २६ अगस्ट २०२६

राजनीति

गभर्नर नियुक्तिमा भइरहेको ढिलाइमा ओलीको दोष छैन: देउवा

नेपाली कांग्रेसका सभापति शेरबहादुर देउवाले राष्ट्र बैंकको गभर्नर नियुक्तिमा भइरहेको ढिलाइमा प्रधानमन्त्री केपी शर्मा ओलीको कुनै दोष नरहेको बताएका छन्। ‘विद्यमान आर्थिक परिवेशमा बजेटले समेटनुपर्ने नीति’ विषयक संवाद गोष्ठीमा बोल्दै उनले राष्ट्र बैङ्कको आन्तरिक समस्याका कारण गभर्नर नियुक्तिमा ढिलाइ भएको बताएका हुन्। उनले भने, ‘अहिले एमाले पार्टीका नेता केपी ओलीसँग गठबन्धन छ। गठबन्धनमा कुनै समस्या छैन। अहिले राष्ट्र बैंकको गर्भनरको विषयमा हामीबीच कुनै  समस्या  छैन। गभर्नर नियुक्ति ढिलो हुनुमा राष्ट्र बैङ्कभित्रकै समस्याले हो। ओलीको कारणले होइन।’

बिएल संवाददाता

बिएल संवाददाता - काठमाडौं

सञ्चारमन्त्रीको अभिव्यक्तिः राजावादी आन्दोलनमा ज्यान गुमाउनेलाई सहिद घोषणा गर्न सकिन्न

सञ्चार तथा सूचना प्रविधिमन्त्री पृथ्वीसुब्बा गुरुङले चैत्र १५ गतेको राजावादीको आन्दोलनमा ज्यान गुमाउनेहरूलाई सहिद घोषणा गर्नुपर्ने मागप्रति असन्तुष्टि व्यक्त गरेका छन्। मंगलबारमा आयोजित विश्वसनीय पत्रकारिताका लागि सुचनाको हकको प्रयोग  विषयक अन्तर्किया कार्यक्रममा बोल्दै उनले राजावादीको आन्दोलनमा गएर ज्यान गुमाउने अनि त्यसलाई लोकतन्त्रवादीले सहिद घोषणा गरिदिनुपर्ने? भन्दै प्रश्न गरे।  उनले ‘पहिले आन्दोलनमा मरेका सबैलाई ज्ञानेन्द्रले सहिद घोषणा गरेका थिए?’ भन्दै प्रश्न गरे। ज्ञानेन्द्रको शासन आएमात्र सहिद घोषणा गर्ने तर वर्तमान सरकारले तीनकुने घट्नामा ज्यान गुमाएकालाई कुनै हालतमा नगर्ने स्पष्ट पारे।

बिएल संवाददाता

बिएल संवाददाता - काठमाडौं

संकटमा माधव नेपालः भ्रष्टाचारलाई ‘राजनीतिक रंग’ दिनु रास्वपालाई भारी

पूर्वप्रधानमन्त्री तथा नेकपा एसका अध्यक्ष माधवकुमार नेपाल ललिता निवास जग्गा प्रकरणपछि पतञ्जली योगपीठको जग्गा प्रकरणमा जोडिएका छन्। पतञ्जलीको हदबन्दी छुटको जग्गा व्यक्तिको नाममा पुगेको प्रकरणमा अख्तियार दुरुपयोग अनुसन्धान आयोगले नेपालसँग सुटुक्क बयानसमेत लिइसकेको खुलेको छ। २०६६ सालमा माधव नेपाल प्रधानमन्त्री भएको बेला पतञ्जली योगपीठलाई आयुर्वेद अस्पताल तथा जडिबुटी केन्द्रका नाममा दिइएको हदबन्दी छुटको जग्गा विक्री भएको प्रकरणमा अख्तियार दुरुपयोग अनुसन्धान आयोगले नेपालसँग बयान लिएको हो।

बिएल संवाददाता

बिएल संवाददाता - काठमाडौं

परराष्ट्रद्वारा एनआरएनएको नवनिर्वाचित कार्यसमितिलाई वैधानिकता प्रदान, मुद्दा फिर्ता

पूर्वअध्यक्ष शेष घलेको नेतृत्वमा गैरआवासीय नेपाली संघ (एनआरएनए)को एकता महाधिवेशन सम्पन्न भएसँगै परराष्ट्र मन्त्रालयले सर्वोच्च अदालतमा यसअघि पेस गरेको निवेदन फिर्ता लिएको छ। एकता महाधिवेशन सम्पन्न भइसकेको भन्दै मन्त्रालयले यसअघि आफैंले सर्वोच्च अदालतमा पेस गरेको निर्देशनात्मक आदेश कार्यान्वयनको समयावधि थप गर्नेसम्बन्धी निवेदन फिर्ता लिएको हो। परराष्ट्र सचिव अमृतबहादुर राईद्वारा जारी निवेदनमा अदालतको परमादेशअनुसार गठित उच्चस्तरीय समितिले गैरआवासीय नेपाली संघको महाधिवेशन र निर्वाचन सम्पन्न गरी नयाँ कार्यसमिति चयन गरिसकेको वैशाख २२ गते मन्त्रालयमा प्राप्त भएको उल्लेख छ।

बिएल संवाददाता

बिएल संवाददाता - काठमाडौं

कुलमानलाई हटाउँदा प्रचण्डको ‘मुटुमै गोली’ लागेजस्तो भयोः योगेश भट्टराई

नेकपा (एमाले)का सांसद योगेश भट्टराईले कुलमान घिसिङलाई नेपाल विद्युत प्राधिकरणको कार्यकारी निर्देशकबाट हटाउँदा माओवादी केन्द्रका अध्यक्ष प्रचण्डलाई मुटुमै गोली लागेको जस्तो भइरहेको टिप्पणी गरेका छन्। मंगलबार प्रतिनिधिसभाको बैठकलाई सम्बोधन गर्दै उनले कर्मचारी हटाउन पाउनु सरकारको अविशिष्ट अधिकार रहेको बताए। उनले भने, ‘केही कर्मचारीलाई सरकारले हटायो। यो सरकारको अविशिष्ट अधिकार पनि हो। यसमा समिक्षा गर्न सकिएला। तर म कमरेड प्रचण्डलाई भन्न चाहन्छु- तपाईंले प्रधानसेनापतिलाई नै हटाउनु भएको थियो त? एकपटक सम्झिनु त अस्तिको कार्यकालमा काम गरिरहेको मुख्य सचिवलाई हटाउनुभयो। अनि अर्को मुख्यसचिव ल्याउनुभयो। अनि केपी ओली नेतृत्वको सरकारले एउटा सहसचिवलाई हटाउँदा तपाईंको मुटुमै गोली लागेको जस्तो किन भएको छ? यो त मुटुमै गोली लागेको जस्तो भयो नि त।’

बिएल संवाददाता

बिएल संवाददाता - काठमाडौं

नेपालमा स्वास्थ्य जनशक्तिको ‘अभाव छैन’ तर टिकाउनै गाह्रो छः स्वास्थ्यमन्त्री

स्वास्थ्य तथा जनसंख्यामन्त्री प्रदीप पौडेलले नेपालमा स्वास्थ्य जनशक्तिको अभाव नभए पनि टिक्ने स्थिति नरहेको बताएका छन्। मंगलबार चिकित्सा विज्ञान राष्ट्रिय प्रतिष्ठानको २३औं स्थापना दिवसको अवसरमा आयोजित कार्यक्रममा बोल्दै उनले काठमाडौंभित्र स्वास्थ्य संस्थाहरूमा निर्वाह हुने जनशक्ति रहे पनि काठमाडौं बाहिर जनशक्तिको पूर्ण रुपमा अभाव भएको बताएका हुन्। उनले भने, ‘नेपालमा स्वास्थ्य जनशक्तिको अभाव छ भनेर भन्ने स्थिती छैन। तर टिक्ने कुरा असाध्यै मुस्किल छ। टिकाउने कुरा असाध्यै गाह्रो बनिरहेको छ। काठमाडौंभित्र स्वास्थ्य संस्थाहरूमा निर्वाह हुने जनशक्ति छ। तर काठमाडौं बाहिर जनशक्तिको पूर्ण रुपमा अभाव भएको स्थिति छ। त्यसैले जनशक्ति उत्पादन गर्ने, नेपालभित्रै टिकाउने र काठमाडौं बाहिर दूरदराजमा स्वास्थ्य सेवा उपलब्ध गराउनका निम्ती खटिने स्थिती हामीले बनाउन सक्नुपर्छ। त्यसका लागि उत्पादन प्रक्रियालाई सहज बनाउन जरुरी छ। जनशक्ति उत्पादन कम खर्चिलो, नागरिकको आर्थिक दायित्व नहुने राज्यको आवश्यकता भएको कारणले राज्यले लगानी गरेर उत्पादन गर्ने स्थिती हामीले बनाउन जरुरी छ।’

बिएल संवाददाता

बिएल संवाददाता - काठमाडौं

ललिता निवासपछि ‘पतञ्जली जग्गा’मा जोडिए माधव नेपाल, रास्वपाले भन्योः राजनीतिक प्रतिशोध

राष्ट्रिय स्वतन्त्र पार्टीले नेकपा एसका अध्यक्ष माधवकुमार नेपाललाई सरकारले पतञ्जलीको जग्गा प्रकरणमा राजनीतिक प्रतिशोध साँधेको आरोप लगाएको छ। मंगलबार प्रतिनिधि सभा बैठकमा बोल्दै रास्वपा प्रवक्तासमेत रहेका सांसद मनिष झाले आफ्ना सभापति रवि लामिछानेपछि अब सरकारले माधव नेपालसँग प्रतिशोध साँध्न वयान लिइएको आरोप लगाए। उनले अब सरकारको विरोधमा रहेका दलका नेताहरूमाथि धमाधम प्रतिशोध साँध्न लागिएको बताए। उनले भने, ‘हालसालै भइराखेको राजनीतिक प्रतिशोधको केही घटनाहरूमा पार्टीको तर्फबाट ध्यानाकर्षण भएको, हाम्रो सरोकार रहेको कुरा राख्न चाहन्छौं। हाम्रो पार्टी सभापतिप्रति भएको भयो, हालसालै रेशम चौधरीप्रति भयो। माधवकुमार नेपालको पनि बयान लिइँदैछ भन्ने सुन्दैछौं। अब के सिके राउतप्रति आक्रमण हुन्छ कि?’

बिएल संवाददाता

बिएल संवाददाता - काठमाडौं

चीनविरुद्ध ‘नेपालको भूमि’ प्रयोग गर्न नदिने देउवाको प्रतिवद्धता

नेपाली कांग्रेसका सभापति शेरबहादुर देउवाले चीनको खिलाफमा नेपालको भूमि प्रयोग गर्न नदिने प्रतिबद्धता जनाएका छन्। सोमबार जीपी कोइराला फाउन्डेसनले काठमाडौंमा आयोजना गरेको नेपाल-चीनबीचको ७० वर्ष लामो सम्बन्ध दर्शाउने फोटो प्रर्दशनीमा बोल्दै उनले एक चीन नीति नेपालले लिएको भन्दै चीनको खिलाफमा नेपालको भूमि प्रयोग गर्न नदिइने प्रतिबद्धता जनाए। उनले भने, ‘यो फोटो प्रदर्शनीले चीनसँगको सहकार्यलाई थप मजबुत बनाउँदै दुई देशको सम्बन्धलाई थप उचाईमा पुर्‍याउने विश्वास लिएको छु। मैले सँधै भन्ने गरेको छु- एक चीन नीति नेपालले लिएको छ। मित्र राष्ट्र चीनको खिलाफमा नेपालको भूमि प्रयोग हुन दिइने छैन भन्ने विश्वास फेरि पनि दिलाउन चाहान्छु।’

बिएल संवाददाता

बिएल संवाददाता - काठमाडौं

बजेटबारे सुझाव लिन अर्थमन्त्रीले भेटे विपक्षी दलका नेता

अर्थमन्त्री विष्णु पौडेलले प्रमुख प्रतिपक्षी दलका नेता (माओवादी केन्द्र)का अध्यक्ष पुष्पकमल दाहाल (प्रचण्ड)सँग भेटवार्ता गरेका छन्। पौडेल मंगलबार प्रचण्डको निवास खुमलटारमा पुगेर प्रचण्डसँग भेटघाट गरेका हुन्। आगामी आर्थिक वर्षको बजेट निर्माणको सन्दर्भमा अर्थमन्त्री पौडेलले प्रमुख प्रतिपक्ष दलका शीर्ष नेतासँग विमर्श गरेको बताएका छन्।

बिएल संवाददाता

बिएल संवाददाता - काठमाडौं

भारत-पाकिस्तानको ‘युद्ध-तयारी’मा इरानको इन्ट्री

यसबीचमा इरानले दुबै राष्ट्रबीच तनाव कम गर्न मध्यस्थता गर्न चाहेको संकेत गरेको थियो। त्यहीअनुरुप पूर्वनिर्धारित भारत भ्रमण जानुअघि इरानका विदेशमन्त्री पाकिस्तान पुगेका हुन्। उनले पाकिस्तानमा त्यहाँका विदेशमन्त्री इसहाक डार, प्रधानमन्त्री सहवाज सरिफ तथा राष्ट्रपति आसिफ अली जरदारीलगायतलाई भेटेका थिए।

बिएल संवाददाता

बिएल संवाददाता - काठमाडौँ

एनआरएनएभित्र ‘आरजु-प्रचण्ड’ समिकरण, ओली हेरेको हेर्‍यै

केसी समूह नभएकाे ‘एकता महाधिवेशन’ परराष्ट्र मन्त्री आरजु राण देउवाले उद्घाटन गरिन्। त्यसकाे समापनमा भने नेकपा माओवादीका अध्यक्ष पुष्पकमल दाहाल प्रचण्ड प्रमुख अथिति भए।

बिएल संवाददाता

बिएल संवाददाता - काठमाडौँ

कीर्तिपुर क्रिकेट मैदानको काम समयमै नसकिएकोमा प्रधानमन्त्रीको चासो

प्रधानमन्त्री केपी शर्मा ओलीले कीर्तिपुरस्थित क्रिकेट मैदानमा अन्तर्राष्ट्रियस्तरको प्याराफिट र फ्लडलाइट जडान कार्य तोकिएको समयमा सम्पन्न हुन नसकेको विषयमा आज सम्बन्धित निकायका अधिकारी र निर्माण व्यवसायीलाई डाकेर छलफल गरेका छन्। प्रधानमन्त्री तथा मन्त्रिपरिषद्को कार्यालय, सिंहदरबारमा भएको छलफलमा शहरी विकास मन्त्रालयका सचिव गोपालप्रसाद सिग्देल, उक्त निर्माण कार्यको कार्यान्वयन निकाय सङ्घीय सचिवालय तथा व्यवस्थापन कार्यालयका प्रमुख चक्रवर्ती कंठससिहत सम्मलग्न निर्माण व्यवसायीसँग प्रधानमन्त्री ओलीले काम सुरु भए पनि तोकिएको समयमा काम सम्पन्न हुन नसक्ने स्थितिप्रति गम्भीर चिन्ता व्यक्त गरेका हुन्। प्रधानमन्त्री ओलीले कार्यभार सम्हालेपछि गत असार ३१ गते पहिलो निर्णयका रुपमा ३०० दिनभित्र उक्त क्रिकेट मैदानमा अन्तर्राष्ट्रियस्तरको प्याराफिट र फ्लड लाइट जडान गर्ने घोषणा गरेका थिए।

बिएल संवाददाता

बिएल संवाददाता - काठमाडौं

बद्री गुटसँग ओलीको गुनासो- ‘आरजुले टेरिनन्’

प्रधानमन्त्री केपी शर्मा ओलीले आफूलाई भेट्न पुगेका एनआरएनएका अवैध अध्यक्ष बद्री केसी समूहसँग परराष्ट्रमन्त्री आरजु राणाले आफूलाई नटेरेको गुनासो गरेका छन्। यतिबेला एनआरएनएको एकता महाधिवेशनले आधिकारिक नयाँ कार्यसमिति चयन गरेसँगै ‘अनाधिकृत अध्यक्ष’ बद्री केसी समूहको बिल्लीबाठ भएको छ। सोमबार सो समूह हारगुहार गर्दै प्रधानमन्त्री केपी शर्मा ओलीलाई भेट्न पुगेको थियो। भेटमा प्रधानमन्त्री ओलीले ११औं महाधिवेशनबाट निर्वाचित एनआरएनए नै आधिकारिक रहेको बताउँदै आगामी अक्टोबरमा हुने अधिवेशनको तयारीमा लाग्न निर्देशन दिए। उनले ११औं महाधिवेशनले मान्यता पाइसकेकोले अरु महाधिवेशन भयो/भएन भन्ने कुराले कुनै अर्थ नराख्ने बताए। त्यस्तै उनले केसी समूहसँग परराष्ट्रमन्त्री आरजु राणाले आफूलाई नटेरेको गुनासो गरे।

बिएल संवाददाता

बिएल संवाददाता - काठमाडौं

शिक्षामन्त्रीको दाबीः उडिसा घटनाबारे गम्भीर रुपमा अध्ययन भइरहेको छ

शिक्षा, विज्ञान तथा प्रविधिमन्त्री रघुजी पन्तले भारतको उडिसास्थित कलिंगा इन्स्चिट्युट अफ इन्डस्ट्रियल टेक्नोलोजी (किट)मा अध्यनरत नेपाली विद्यार्थी प्रिन्सा शाहको मृत्यु भएको घटनाप्रति मन्त्रालय गम्भीर भएर लागेको बताएका छन्। सोमबार शिक्षा उपसमितिको बैठकमा उनले मन्त्रालयमा सम्बन्धित अधिकारीहरूलाई विश्वविद्यालयमा कुन-कुन एजेन्सीबाट विद्यार्थी पठाउने गरेको ती एजेन्सीहरूसँग बसेर घटनाको छलफल गर्न निर्देशन दिएको जानकारी दिए।  उनले भने, ‘मैले मन्त्रालयमा सम्बन्धित अधिकारीहरूलाई विश्वविद्यालयमा कुन कुन एजेन्सीबाट विद्यार्थी पठाउने गरेको छ, ती मान्छेहरू पत्ता लगाउनु र उनीहरूसँग एक पटक बसेर कसरी यस्तो घटना भयो छलफल गर्नुपर्‍यो भनेर निर्देशन पनि दिएको छु। यसमा काम भइरहेको छ।’

बिएल संवाददाता

बिएल संवाददाता - काठमाडौं

एनआरएनएको नवनिर्वाचित कार्यसमितिले भेट्यो राष्ट्रपति र कांग्रेस सभापति

गैरआवासीय नेपाली संघ (एनआरएनए)को नवनिर्वाचित कार्यसमितिका पदाधिकारी तथा सदस्यहरूले राष्ट्रपति रामचन्द्र पौडेल र कांग्रेस सभापति शेरबहादुर देउवालाई भेटघाट गरेका छन्। सर्वोच्च अदालतद्वारा गठित उच्चस्तरीय समितिले गरेको एकता महाधिवेशनबाट महेश श्रेष्ठ नेतृत्वको कार्यसमिति सर्वसम्मत चयन भएको थियो। शीतल निवासमा भएको भेटमा अध्यक्ष श्रेष्ठले संघको निर्वाचनबारे जानकारी गराएका थिए। राष्ट्रपति पौडेलले गैरआवासीय नेपाली संघ (एनआरएनए)भित्र हाल देखिएको समस्या र विवाद समाधानमा अग्रसरता लिन संघको नेतृत्वलाई आग्रह गरेको संघका प्रवक्ता गंगाधर गौतमले जानकारी दिए। ‘एनआरएनएको मूल उद्देश्य विदेशमा रहेका नेपालीलाई एकताबद्ध गर्दै नेपाल र नेपालीको समृद्धिमा योगदान पुर्‍याउने उल्लेख गर्दै, संघले विगतमा अथक प्रयास गरेर त्यो उद्देश्य पूरा गर्न कोसिस गर्‍यो, तर हाल केही समयदेखि देखा परेका समस्या र विवादले त्यो पवित्र उद्देश्यमा अवरोध सिर्जना गरेको देखिन्छ।’ राष्ट्रपतिको भनाई रहेको प्रवक्ता गौतमले जानकारी दिए।

बिएल संवाददाता

बिएल संवाददाता - काठमाडौं

ओलीलाई प्रचण्डको प्रश्नः दलित, महिलालाई बहिष्कार गरेर कुन नेपालीलाई खुसी बनाउँन खोजेको?

नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले सरकारद्वारा प्रस्तुत नीति तथा कार्यक्रमले सीमान्तकृत समुदायलाई उपेक्षा गरेको दाबी गरेका छन्। प्रतिनिधिसभामा नीति तथा कार्यक्रमबारे बोल्दै अध्यक्ष प्रचण्डले  दलित बहिष्कार गरेर बनाइने ‘सुखी नेपाली’ कस्ता हो?’ भन्दै प्रश्न गरेका हुन्। आफू नेतृत्वको सरकारले अघि सारेका नीति तथा कार्यक्रमलाई स्मरण गराउँदै उनले दलित, महिला, श्रमिक, अपांग, सीमान्तकृत र उपेक्षित समुदायको जीवनस्तरमा सार्थक परिवर्तन ल्याउने उद्देश्यले ऐतिहासिक कार्यक्रमहरू अघि सारिएको बताए। तर वर्तमान सरकारको नीति तथा कार्यक्रममा ती कार्यक्रमहरू पूर्ण रूपमा हटाइएकोप्रति गम्भीर चिन्ता व्यक्त गरे।

बिएल संवाददाता

बिएल संवाददाता - काठमाडौं

एनआरएनएका अनाधिकृत अध्यक्षलाई भेटेपछि ओलीले भनेः तपाईंहरू नै आधिकारिक

एनआरएनएको आधिकारिक एकता महाधिवेशनले नयाँ कार्यसमिति चयन गरेसँगै अवैध अध्यक्ष बद्री केसी समूहको बिल्लीबाठ भएको छ। सोमबार सो समूह हारगुहार गर्दै प्रधानमन्त्री केपी शर्मा ओलीलाई भेट्न पुगेको छ। भेटमा प्रधानमन्त्री ओलीले एनआरएनएलाई एकजुट बनाउनका लागि आफू सदैव प्रतिवद्ध रहेको बताए। भेटमा  ओलीले एनआरएनएलाई गैर-राजनीतिक बनाई संसारभरका गैरआवासीय नेपालीलाई एकजुट बनाउन आफू सदैव प्रतिबद्ध रहेको बताए। भेटमा प्रधानमन्त्री ओलीले ११औं महाधिवेशनबाट निर्वाचित एनआरएनए नै आधिकारिक रहेको बताएको उल्लेख गर्दै भने, ‘म आफैं कतिपटक तपाईंहरूको कार्यक्रममा सहभागी भएँ त्यसको मतलव नै तपाईहरू आधिकारिक हो। अब दशौं महाधिवेशनमा विवाद भएको हो, त्यो विवादबारेको फैसला ११औं महाधिवेशन भइसकेको थियो। पछिल्लो फैसलाले समेत ११औं महाधिवेशनलाई मान्यता दिइसकेको छ, अरू महाधिवेशन भयो भएनले अर्थ राख्दैन।’

बिएल संवाददाता

बिएल संवाददाता - काठमाडौं

बजेटबारे देउवासँग अर्थमन्त्रीको परामर्श

उपप्रधान एवं अर्थमन्त्री विष्णुप्रसाद पौडेलले नेपाली कांग्रेसका सभापति शेरबहादुर देउवासँग आगामी आर्थिक वर्षको बजेटबारे परामर्श गरेका छन्। सोमबार बिहान बुढानिलकण्ठस्थित देउवा निवास पुगी अर्थमन्त्री पौडेलले सभापति देउवासँग बजेटबारे परामर्श गरेका हुन्। सो अवसरमा सभापति देउवाले मुलुकको आर्थिक अवस्थालाई दृष्टिगत गरी मितव्ययिता अवलम्बन गर्न र स्रोतको अधिकतम सदुपयोग हुनेगरी बजेट निर्माण गर्न सुझाव दिएका देउवाको सचिवालयले जनाएको छ।

बिएल संवाददाता

बिएल संवाददाता - काठमाडौं

रेशम चौधरी पक्राउबारे जवाफ नदिए सरकारबाट बाहिरिने नाउपाको चेतावनी

नागरिक उन्मुक्ति पार्टीका सांसद लालवीर चौधरीले रेशम चौधरी पक्राउ प्रकरणमा सरकारको धारणा माग गरेका छन्। सोमबार प्रतिनिधिसभाको बैठकमा बोल्दै उनले रेशम चौधरी पक्राउ परेको प्रकरणमा प्रधानमन्त्री र गृहमन्त्री सदनमा आएर जवाफ दिनुपर्ने बताए। उनले भने, ‘पूर्व माननीय रेशम चौधरीलाई अपहरण शैलीमा डिल्लीबजार पुर्‍याइयो। महिमानसिंह विष्टले जुन पक्राउ गर्ने पुर्जी काट्नु भएको छ, सर्वोच्च अदालतले त्यसलाई फर्जी भनेको छ। यतिबेलासम्म पनि सरकारले कहीँकतै नबोलेको हुनाले म यसै गरिमामय सदनलाई प्रधानमन्त्री, गृहमन्त्रीले जवाफ दिन माग गर्दछु।’

बिएल संवाददाता

बिएल संवाददाता - काठमाडौं

के सेना लगाएरै भए पनि ट्रम्पले ग्रीनल्याण्ड कब्जा गर्नसक्छन्?

डेनमार्कको स्वायत्त देश ग्रीनल्याण्ड विश्वको सबैभन्दा ठूलो टापु हो। जहाँ अमेरिकाको ठूलो अन्तरिक्ष केन्द्र पनि छ। अमेरिकाका लागि उक्त भूभागको रणनीतिक महत्त्व छ किनभने त्यो उत्तर अमेरिकाबाट युरोप पुग्ने सबैभन्दा छोटो मार्ग पनि हो। ग्रीनल्यान्डमा प्रमुख खनिजहरूको ठूलो भण्डार छ। यीमध्ये कतिपय खनिजहरू विश्वमै दुर्लभ पनि मानिन्छन्।

बिएल संवाददाता

बिएल संवाददाता - काठमाडौँ

ट्रेन्डिङ