राष्ट्रिय प्रजातन्त्र पार्टीका अध्यक्ष राजेन्द्र लिङदेनसहित राप्रपा सांसदहरू सिंहदरबारबाटै पक्राउ परेका छन्। सिंहदरबारस्थित पार्टीको संसदीय दलको कार्यालयमै बेहीबेर बन्धक बनेका सांसदहरूलाई प्रहरीले गिरफ्तार गरेको हो।
बिएल संवाददाता - काठमाडौं
राष्ट्रिय प्रजातन्त्र पार्टीका अध्यक्ष राजेन्द्र लिङदेन सिंहदरबारस्थित पार्टीको संसदीय दलको कार्यालय पुगेका छन्। केहीबेरअघि दलको कार्यालयमा पुगेका राप्रपाका सांसदहरूलाई प्रहरीले बाहिर निस्कन नदिएपछि लिङदेन सिंहदरबार पुगेका हुन्। यतिबेला सांसदहरू बानेश्वरको निषेधित क्षेत्र तोड्नेबारे छलफलमा जुटेका छन्।
बिएल संवाददाता - काठमाडौं
राष्ट्रिय प्रजातन्त्र पार्टीका सांसदहरू सिंहदरबारस्थित संसदीय दलको कार्यालयमै थुनिएका छन्। बानेश्वरको निषेधित क्षेत्र तोड्नेबारे छलफल भइरहेका बेला प्रहरीले उनीहरूलाई दलको कार्यालयमै बन्धक बनाइएको राप्रपा प्रमुख सचेतक ज्ञानबहादुर शाहीले सञ्चारकर्मीहरूसँग बताए। उनका अनुसार राप्रपा सांसदहरूलाई डीएसपीको कमाण्डमा बन्धक बनाइएको उनले बताए। राप्रपाका केही सांसदहरू भर्खरै दलको कार्यालय पुगेका छन्।
बिएल संवाददाता - काठमाडौं
प्रदर्शनमा उत्रिएका राष्ट्रिय प्रजातन्त्र पार्टी (राप्रपा)का नेता तथा कार्यकर्ताहरू सिंहदरबार केन्द्रीत भएका छन्। केही नेता तथा कार्यकर्ताहरूले सडकमै प्रदर्शन गरेपनि राप्रपाका सांसदहरू भने सिंहदरबारभित्रै प्रदर्शन गर्नेगरी तयारी रहेको राप्रपा सचिवालयले जनाएको छ। ‘सबै मान्यज्यूहरू सिंहदरबारमा रहेको संसदीय कार्यालयमै भेला हुनुहुँदैछ। उहाँहरूले सिंहदरबारमै प्रदर्शन गर्ने कार्य तालिका छ,’ सचिवालयका एक सदस्यले भने।
बिएल संवाददाता - काठमाडौं
राजावादी दल राष्ट्रिय प्रजातन्त्र पार्टी (राप्रपा)ले आज बिजुलीबजार क्षेत्रमा मात्र प्रदर्शनको तयारी गरेको छ। तर, अहिले बसेको नेताहरूको अनौपचारिक बैठकले बिजुलीबजारमा मात्रै केन्द्रित हुने निर्णय गरेको राप्रपाका उपाध्यक्ष बुद्धिमान तामाङले बताए। उनका अनुसार बालुवाटार, भद्रकाली र नयाँबानेश्वर क्षेत्रबाट र्यालीको तयारी गरिएपनि भर्खरै बसेको राप्रपा नेताहरूको अनौपचारिक बैठकले बिजुलीबजारमा मात्रै केन्द्रीत हुने निर्णय गरेको छ। राप्रपाका एक पदाधिकारीका अनुसार आन्दोलनमा कार्यकर्ताहरूलाई आह्वान गरिएको छैन। सीमित नेताहरू मात्र सहभागी हुने र स्वतस्फूर्त आउने कार्यकर्ताहरू मात्र सहभागी हुने बताइएको छ।
बिएल संवाददाता - काठमाडौं
शिक्षा ऐन माग्दै काठमाडौं केन्द्रीत आन्दोलनमा रहेका शिक्षक-कर्मचारीहरू अरू दिनभन्दा आज बिहानैदेखि माइतीघर मण्डलामा उत्रेका छन्। आइतबार राप्रपाले पनि माइतिघरमा आन्दोलनको तयारी गरेपछि शिक्षकहरू राप्रपाका प्रदर्शनकारीहरूभन्दा अघि नै माइतिघर पुगेका हुन्। शिक्षकहरू आज बिहान ९ बजेदेखि नै मण्डलामा भेला भइसकेका छन्। नेपाल शिक्षक महासंघको अगुवाइमा भइरहेको आन्दोलनमा तत्काल शिक्षा ऐन जारी गर्न माग गरिएको छ। शिक्षकहरू गत चैत्र २० गतेबाट नियमित प्रदर्शनमा छन्।
बिएल संवाददाता - काठमाडौं
प्रदर्शनकारीले यो आन्दोलनलाई ‘५०५०१’ नाम दिएका छन्। यसको मतलव ५० प्रदर्शन, ५० राज्य र एक आन्दोलन गर्नू भन्ने हो। अमेरिकामा ५० राज्य छन्। ती सबैजसो राज्यहरूमा अहिले ट्रम्प विरुद्ध प्रदर्शन भइरहेका छन्।
बिएल संवाददाता - काठमाडाैं
आज निषेधित क्षेत्र तोड्ने र परिआए सामूहिक गिरफ्तारी दिनसमेत पछि नपर्ने चेतावनी दिँदै राप्रपाले प्रदर्शन आह्वान गरेको छ। उसको त्यो चेतावनीलगत्तै गृहमन्त्रालयले कानुनविपरीत नजान भन्दै अर्को चेतावनीयुक्त विज्ञप्ति निकालेको थियो।
बिएल संवाददाता - काठमाडाैं
हजारौं शिक्षकले २० दिनदेखि ढाकिरहेको माइतीघर-वानेश्वर सडकमा आज राष्ट्रिय प्रजातन्त्र पार्टीले पनि आफ्नो शक्ति प्रदर्शन गर्दैछ। शिक्षकहरूले भने बिहानैदेखि प्रदर्शनमा छन्। राप्रपाले सामूहिक गिरफ्तारी दिनेसम्मको योजना बनाएर निषेधित क्षेत्र तोड्ने भनेर यसअघि नै उद्घोष गरिसकेको छ।
बिएल संवाददाता - काठमाडाैं
राष्ट्रिय प्रजातन्त्र पार्टीले भोलि वैशाख ७ गते काठमाडौंमा निषेधित क्षेत्र तोडेर प्रदर्शन गर्ने तयारी गरेपछि गृहमन्त्रालयले गम्भीर ध्यानाकर्षण भएको बताएको छ। राप्रपाले भोलि निषेधित क्षेत्र तोड्दै सामूहिक गिरफ्तारी दिने तयारी गरेको छ। आन्दोलनको तयारीबारे छलफल गर्न शुक्रबार मात्र राप्रपा नेताहरूले पूर्वराजा ज्ञानेन्द्र शाहसँग लन्च मिटिङ गरेका छन्। यसैबीच गृहमन्त्रालयले राप्रपाको नामबाट भोलि प्रचलित कानून बमोजिम तोकिएका निषेधित क्षेत्र तोड्ने भनी सार्वजनिक भएका समाचार र अभिव्यक्तिहरू प्रति गम्भीर ध्यानाकर्षण भएको जनाएको छ।
बिएल संवाददाता - काठमाडौं
पूर्वराजा ज्ञानेन्द्र शाहले राप्रपा नेताहरूसँग लन्च मिटिङ गरेका छन्। वैशाख ७ गते हुन लागेको राजावादी आन्दोलनको तयारीबारे छलफलका लागि पूर्वराजाले शुक्रबार लन्च मिटिङ आयोजना गरेको स्रोतले बतायो। राजाको लन्च मिटिङमा राप्रपा अध्यक्ष राजेन्द्र लिङदेन, पशुपति शमशेर जबरा, प्रकाशचन्द्र लोहनी, ध्रुवबहादुर प्रधान, बुद्धिमान तामाङलगायत नेताहरू सहभागी थिए। करिब डेढ घण्टासम्म सघन छलफल भएको बताइएको छ। आइतबार हुन लागेको आन्दोलनका साथै नयाँवर्षको सन्दर्भमा दिएको शुभकामना वक्तव्यपछि बाहिरको माहोल बुझ्न पूर्वराजाले राप्रपा नेताहरूलाई बोलाएका बुझिएको छ।
बिएल संवाददाता - काठमाडौं
परराष्ट्रमन्त्री डा. आरजु राणा देउवा थाइल्याण्डको बैंकक जान लागेकी छन्। यही २१ देखि २५ अप्रिलसम्म बैंककमा आयोजना हुने ‘युनाइटेड नेसन्स इकोनोमिक एण्ड सोसियल कमिसन फर एसिया एण्ड द प्यासिफिक (यूएनस्केप)’को ८१ औं सत्रमा सहभागी हुन परराष्ट्रमन्त्री राणा भोलि बैंकक जान लागेकी हुन्। नेपाल हाल यूएनस्केपको अध्यक्ष छ। अध्यक्ष राष्ट्रको हैसियतमा परराष्ट्रमन्त्री राणाले उक्त आयोगको ८१औं सत्रको अध्यक्षता गर्ने र नेपालको तर्फबाट सम्बोधन गर्ने कार्यतालिका छ।
बिएल संवाददाता - काठमाडौं
राजतन्त्र पुनर्स्थापनाका लागि बनेको संयुक्त जनआन्दोलन समितिका संयोजक जगमान गुरुङले गणतन्त्र दिवसकै दिन गणतन्त्र अन्त्य हुने ठोकुवा गरेका छन्। शनिबार पृथ्वीपथको आवश्यकता विषयक अन्तर्क्रिया कार्यक्रमलाई सम्बोधन गर्दै गुरुङले जेठ १५ गते गणतन्त्र अन्त्य हुने घोषणा हुन्। उनले भने, ‘हाम्रो मान्यता के छ भने, कुनै मान्छे मर्न पर्यो उसको जन्म महिना, बार, कहिले छ त्यहीले मर्छ भनिन्छ। यो गणतन्त्रको घोषणा कहिले भयो, जेठको १५ गते होइन? जेठ १५ गते गणतन्त्र दिवस मनाउँछन् नि, यसको अन्त्य पनि ०८२ साल जेठको १५ गते हुन्छ। हामी तयार छौं।’
बिएल संवाददाता - काठमाडौं
प्रधानमन्त्रीको सरकारी निवास बालुवाटारमा प्रमुख तीन दलका शीर्ष नेताहरूबीच भेटवार्ता भएको छ। प्रधानमन्त्री केपी ओली, कांग्रेस सभापति शेरबहादुर देउवा र नेकपा माओवादी केन्द्रका अध्यक्ष प्रचण्डसहित नेताहरूबीच छलफल भएको हो। उनीहरूबीच संक्रमणकालीन न्यायलगायत विषयमा छलफल भइरहेको प्रधानमन्त्रीको सचिवालयले जनाएको छ।
बिएल संवाददाता - काठमाडौं
सभामुख देवराज घिमिरले कानून कार्यान्वयनको सम्बन्धमा सांसदहरूले अध्ययन गर्ने आधार नभएको बताएका छन्। शनिबार ‘राष्ट्रिय शासन शिखर सम्मेलन २०२५’ कार्यक्रममा बोल्दै उनले बनेका कानूनको प्रभावकारी कार्यान्वयनको लागि सांसदहरूले सोच्ने, बुझ्ने र अध्ययन गर्ने आधार नभएको बताएका हुन्। उनले भने, ‘बनेको कानूनको कार्यान्वयन कसरी भईरहेका छन् भन्ने कुरा संसदले जति सांसद हुनुहुन्छ उहाँहरूलाई सरकारले कसरी काम गरिरहेको छ हामीले बनाएका कानूनहरु कार्यान्वयनमा कसरी गईरहेका छन्। त्यसमा सुधार गर्नुपर्ने जरुरी छ कि छैन। संशोधन गर्न जरुरी छ कि छैन। कानूनको प्रभावकारी कार्यान्वयनको लागि सरकारलाई कसरी निर्देशन गर्ने यतापट्टि सोच्ने बुझ्ने अध्ययन गर्ने आधार छैन। उहाँहरू जे काम गर्दै गइरहेको छ त्यसमा व्यस्तताका साथ काम गर्न परेको छ।’
बिएल संवाददाता - काठमाडौं
गृहमन्त्री रमेश लेखकले सत्ता साझेदार दलहरू नेपाली कांग्रेस र नेकपा एमालेबीचको सम्बन्धमा कुनै समस्या नरहेको दाबी गरेका छन्। नेपाल प्रेस युनियन कास्कीद्वारा पोखरामा आयोजित पत्रकार भेटघाट कार्यकममा उनले दल एवम् सत्ता साझेदारीमा कुनै समस्या नभएको भन्दै सरकार पनि नढल्ने स्पष्ट पारेका हुन्। सरकार सहमतिका साथ नै अघि बढिरहेको बताउँदै उनले बताए। उनले भने, ‘साथीहरूले सरकार ढल्छ-ढल्छ भनिदिनुहुन्छ अनि ढल्दैन है भनेर हामीले भनिरहनु परेको छ।’ पछिल्ला समयमा संविधानका साथै संघीय लोकतान्त्रिक गणतन्त्र विरोधी गतिविधिहरू देखा परिरहेको बताउँदै उनले संविधान विरोधी एवम् लोकतन्त्र विरोधी गतिविधि जनताले नरोज्ने स्पष्ट पारे। लोकतन्त्रमा स्वतन्त्र प्रेस तथा सञ्चारमाध्यम रहने उल्लेख गर्दै लोकतन्त्र विरोधीहरूको पहिलो प्रहार नै सञ्चार माध्यममाथि हुने गरेको विगतमा भोगिसकेको उल्लेख गरे।
बिएल संवाददाता - पोखरा
नेकपा माओवादीका उपाध्यक्ष एवम् पूर्वउपराष्ट्रपति नन्दबहादुर पुन (पासाङ)ले आफू राष्ट्रपति बन्न तयार रहेको अभिव्यक्ति दिएका छन्। शनिबार प्यूठानमा प्रेस सेन्टरले आयोजना गरेको पत्रकार भेटघाट कार्यक्रममा बोल्दै पुनले पार्टीले आवश्यक ठाने आफू राष्ट्रपतिमा बन्न पनि तयार रहेको बताएका हुन्। उनले आफूलाई पार्टीले खटाएर उपराष्ट्रपति बनेको र कार्यकाल सकिएपछि अहिले पनि पार्टीकै निर्णयले पार्टीको जिम्मेवारीमा फर्किएको बताए। उनले पूर्वराष्ट्रपति वा पूर्वउपराष्ट्रपतिलाई पार्टी जिम्मेवारीमा फर्किन कुनै कानुनी र संवैधानिक अड्चन नभएको प्रष्ट पारे। उनले भने, ‘कानुनले पूर्व राष्ट्रपति, उपराष्ट्रपतिलाई पार्टी जिम्मेवारीमा फर्किन कतै रोकेको छैन, आफ्नो चाहना र पार्टीको आवश्यकता भर पर्ने कुरा हो। संवैधानिक अड्चन भएको भए कसैलाई पार्टीले किन अघि सार्ला र? म राजनीतिक आधारबाट आएको हुँ।’ पुनले पुनले कम्युनिष्ट कार्यकर्ताले आफ्नो अन्तिम लक्ष्य पूरा नभएसम्म पार्टीको जिम्मेवारी लिनुपर्ने अडान राखे। पुनले राजतन्त्रको
बिएल संवाददाता - प्युठान
थपलियालाई शुक्रबार आयोगका पदाधिकारी एवं कर्मचारीहरूले एक कार्यक्रमको आयोजना गरी बिदाइ गरेका छन्। बिदाइ कार्यक्रममा प्रमुख आयुक्त थपलियालाई आयुक्तहरू रामप्रसाद भण्डारी, डा. जानकीकुमारी तुलाधर र सगुन शमशेर जबराले पुष्पगुच्छा र मायाको चिनो प्रदान गरेका थिए। कर्मचारीहरूको तर्फबाट आयोगका सचिव भरतमणि सुवेदी र महाशाखा प्रमुखहरूले पुष्पगुच्छासहित बिदाइ गरेका थिए। थपलिया संविधानको धारा २४५ बमोजिम ०७६ वैशाख ६ गते प्रमुख निर्वाचन आयुक्त पदमा नियुक्त भएका थिए। बिदाइ समारोहमा प्रमुख निर्वाचन आयुक्त थपलियाले निर्वाचन आयोगको छ वर्षको अनुभवलाई लोकतन्त्रको सुदृढीकरण र निर्वाचन व्यवस्थापन सुधारका लागि सृजनात्मक चिन्तन र अनुभूतिको आत्मदर्शन गर्ने महत्त्वपूर्ण अवसरका रूपमा लिएको बताए।
बिएल संवाददाता - काठमाडौं
‘सर/मेडमहरू अब विद्यालयमा फर्कनुस्। आफ्नो जिम्मेवारी बहन गर्नुस्। सरकार र संसदलाई विश्वास गर्नुस्’ उनले भनेकी छिन् ‘जिम्मेवार नेता साथीहरू! ऐक्यवद्धताको रमिता तपाईहरू पनि नगर्नुस बल र कोर्ट दुबै तपाईंकै खुट्टामा छ।’
बिएल संवाददाता - काठमाडौं
कपिलवस्तुमा पार्टीको तराई-मधेस जागरण अभियान अन्तर्गत भएको सभालाई सम्बोधन गर्दै प्रचण्डले त्यो संख्याको बलमा आफूलाई हटाए पनि ठूलो दलको हैसियतले नेपाली काँग्रेसका सभापति देउवा नै प्रधानमन्त्री हुनुपर्थ्यो भनेका हुन्।
बिएल संवाददाता - काठमाडौं
१ .
२ .
३ .
४ .
५ .
