राष्ट्रिय स्वतन्त्र पार्टी (रास्वपा) का सांसद डा. स्वर्णिम वाग्ले गृहमन्त्रीलाई संसदमा बोल्न नदिएर असंसदीय काम गरिएको आरोप लगाएका छन्।

प्रतिनिधिसभाको बुधबारको बैठकमा बोल्दै सांसद वाग्ले संसदमा बोल्न नदिएर कस्तो संसदीय अभ्यास गर्न खोजेको हो भन्दै प्रश्न गरे।

संसदमा यो हदसम्मको असहिष्णुताले प्रश्न उठाएको समेत बताए।

उनले आरोप लाग्नेबित्तिकै राजीनामा गर्ने हो भने त्यो सहमति गर्न चुनौती दिएका छन्। उनले गृहमन्त्रीले जवाफ दिन चाहेको बताइरहेको बेला बोल्न नदिएकोप्रति उनले असन्तुष्टि व्यक्त गरेका थिए।

सांसद वाग्लेले प्रतिपक्षले सहकारीको महाकाव्य नै लेख्न खोजेको भएपनि समाधान दिन नसकेको आरोप लगाए। उनले सहकार र लघुवित्तको समस्या समाधान गर्न यसै संसदबाट विधेयक बनाएर अगाडी बढ्न आग्रह गरेका छन्।